Пагоҳ «Амонатбонк» ва Хадамоти гумрук хабарнигоронро ба нишастҳои матбуотӣ даъват менамоянд

ДУШАНБЕ, 16.01.2017. /АМИТ Ховар/. Пагоҳ, 17 январи соли 2017   Кумитаи ҳифзи муҳити зисти назди Ҳукумати Ҷумҳурии Тоҷикистон, Бонки давлатии амонатгузории Ҷумҳурии Тоҷикистон «Амонатбонк»,  Хадамоти гумруки  назди Ҳукумати Ҷумҳурии Тоҷикистон  ва Бунёди миллии иҷтимоии маблағгузории Тоҷикистон  нишасти матбуотӣ баргузор менамоянд.
Дар нишастҳои матбуотӣ  роҳбарони ин сохторҳо аз дастовард ва камбудиҳои фаъолияташон дар соли 2016  ба хабарнигорони ВАО ҳисобот ва ба суолҳояшон посух медиҳанд.
Хотиррасон менамоем, ки нишасти матбуотии Кумитаи ҳифзи муҳити зисти назди Ҳукумати Ҷумҳурии Тоҷикистон соати 11-00, Бонки давлатии амонатгузории Ҷумҳурии Тоҷикистон «Амонатбонк» соати 14-00 дар толори Маркази матбуоти ҷумҳуриявии АМИТ «Ховар», Хадамоти гумруки  назди Ҳукумати Ҷумҳурии Тоҷикистон соати 10-00  дар бинои Хадамоти мазкур ва  Бунёди миллии иҷтимоии маблағгузории Тоҷикистон   соати 10-00 дар бинои киностудияи «Тоҷикфилм» баргузор мегарданд.
Барои гузаронидани нишастҳои матбуотӣ вазорату идораҳо метавонанд бо маркази матбуоти АМИТ «Ховар» бо рақами телефони 918-21-52-04 тамос гиранд.