Сафорати Туркия: «Шаҳрвандони Тоҷикистон ба амали террористии Истанбул алоқа надоранд»
ДУШАНБЕ, 19.01.2017. /АМИТ «Ховар»/. Амали террористиеро, ки 31 декабри соли 2016 дар шаҳри Истанбул содир гардид, шаҳрванди Ҷумҳурии Ӯзбекистон Абдулқодир Машарипови 34-сола, ки бо забонҳои хитоӣ, русӣ, арабӣ ва туркӣ ҳарф мезанад, содир намудааст. Ин нуктаро вобаста ба амали террористии рӯзи 31 декабри соли гузашта дар шаҳри Истанбул содиршуда намояндаи Сафорати Туркия дар Душанбе изҳор дошт.
Ба гуфтаи намояндаи Сафорати Туркия дар Тоҷикистон, А. Машарипов омодагии ҷангиро дар Покистон ва Афғонистон гузашта, аз ҷониби мақомоти Ӯзбекистон дар кофтуков қарор доштааст. Моҳи январи соли 2016 номбурда ғайриқонунӣ аз ҳудуди Эрон ба Туркия ворид гардидааст. Зимни кофтуков аз манзили истиқоматии ӯ 197 ҳазор доллари ИМА, силоҳ ва ду адад квадрокоптер дарёфт шудааст.
Дар бораи алоқа доштани шаҳрвандони Тоҷикистон дар ин ҷиноят намояндаи Сафорат зикр кард, ки ҳоло аз ҷониби мақомоти Туркия ду нафар шаҳрванди Ҷумҳурии Тоҷикистон ҷустуҷӯ мешаванд. Ба гуфти намояндаи Сафорати Туркия, шаҳрвандони мазкур манзилҳои иҷоравии худро ба шахсоне, ки ба самти Сурия рафту омад доштанд, пешниҳод мекарданд.
«Оид ба алоқаи бевоситаи шаҳрвандони Тоҷикистон ба амали террористӣ маълумот мавҷуд нест», — таъкид намуд намояндаи Сафорати Туркия дар Душанбе.
Имсол дар Тоҷикистон беш аз 37 ҳазор метр корҳои соҳилмустаҳкамкунӣ гузаронида мешавад
Имрӯз дар ноҳияҳои алоҳидаи Тоҷикистон борони кӯтоҳмуддат меборад
Пешвои миллат: «Ҳамеша шукронаи соҳибватаниву соҳибдавлатӣ, сулҳу субот ва зиндагии орому осудаи худро ба ҷо оварем»
Имрӯз дар Тоҷикистон чангу ғубор ба амал меояд
Сергей Лебедев: «Қазоқистон аввалин мизбони Форуми волонтёрони Иттиҳоди Давлатҳои Мустақил мегардад»
Сардори Хадамоти алоқа бо фаъолияти ширкати «МегаФон Тоҷикистон» шинос шуд
МЕГАФОН ТОҶИКИСТОН. Наврасони Душанбе худро ситораи футбол эҳсос карданд
Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
Дар шаҳри Истанбули Туркия гӯшаи миллии Тоҷикистон ташкил карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Барои масъулини бахши молиявии Ҳизби Халқи Демократии Тоҷикистон машварати омӯзишӣ оғоз гардид
