Терроризм хатари минтақавию байналмилалӣ дорад

ДУШАНБЕ, 16.01.2017 /АМИТ Ховар/. 13-14 январи соли равон дар шаҳрҳои Ҳисор ва Турсунзода таҳти унвони «Иштироки ҷавонон дар бартарафсозии омилҳои номатлуби иҷтимоӣ» суҳбат доир гардид. Дар ин бора аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ба хабарнигори АМИТ «Ховар» хабар доданд.
Исмоил Шерхонов, сармутахассиси Раёсати кор бо ҷавонони Кумитаи ҷавонон, варзиш ва сайёҳӣ  зикр намуд, ки «терроризм яке аз масъалаҳои муҳими замони муосир буда, хатари минтақавию байналмилалиро ба миён овардааст. Имрӯз мо, ҷавононро  лозим меояд, ки  бо масъулият ва дар якҷоягӣ бо ниҳодҳои давлатӣ ҷомеаро аз оқибатҳои бади ин амалҳои номатлуб  эмин нигоҳ дорем».
Ҳамоиши мазкур дар доираи «Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2016-2018» доир гардида, баргузории чунин суҳбатҳо дар ноҳияҳои Варзоб ва Рӯдакӣ низ дар назар аст.