Бозингари «Челси» ба «Зенит» гузашт

ДУШАНБЕ, 03.02.2017/АМИТ «Ховар»/. Бозингари клуби футболи «Челси» Бранислав Ивановичи серб ба дастаи «Зенит»-и Санкт-Петербург гузашт. Дар ин бора сомонаи «Зенит» хабар дод.
Тибқи иттилои расида, муҳофизатгари дастаи мунтахаби Сербия ва КФ «Челси» Бранислав Ивановичи 32-сола шартноми худро ба муҳлати 2,5 сол ба имзо расонидааст ва имкони дароз кардани онро боз як соли дигар дар ихтиёр дорад. Дар бораи маблағи шартнома чизе гуфта нашудааст.
Ба ғайр аз дастаи «Челси» Иванович пештар дар ҳайати «Локомотив»-и Москва низ ҳунарнамоӣ карда буд. Ӯ дар 82 бозии дастаи мунтахаби Сербия иштирок карда, муаллифи 10 гол гардидааст.