Фестивал- озмуни ҷумҳуриявии телевизионии мақомхонон таҳти унвони «Ганҷҳои ҳунар» доир шуд
ДУШАНБЕ, 16.02.2017 /АМИТ «Ховар»/. Имрӯз, 16 феврали соли равон дар толори консертии Донишкадаи давлатии фарҳанг ва санъати Тоҷикистон ба номи Мирзо Турсунзода даври аввали Фестивал- озмуни ҷумҳуриявии телевизионии мақомхонон таҳти унвони «Ганҷҳои ҳунар» баргузор гардид.
Вазири фарҳанги Тоҷикистон Шамсиддин Орумбекзода зимни табрики иштирокчиёну доварон ва мухлисони санъати асили шашмақом бо оғози фестивал иброз дошт, ки ин нахустин қадам дар баргузории Фестивал-озмун аст, ки барои дарёфти истеъдодҳои нав ва арҷ гузоштан ба санъати волои ниёгон равона шудааст. Вазир ҳамчунин таъкид намуд, ки муаррифии ин санъати аҷдодӣ ба тамоми ҷаҳон вазифаи ҳар як фарди фарҳангдӯст аст.
Иштирокчиёни фестивал — озмун истеъдоди худро дар ду бахш: яккасароӣ ва якканавозӣ пешкаши доварон ва мухлисон мегардонанд.
Фестивал ба ифтихори ҷашни Наврӯзи байналмилалӣ бо мақсади равнақу ривоҷи санъати миллӣ, эҳё ва тарғибу ташвиқи суннатҳои қадимии ниёгон, пайдо намудани истеъдодҳои нав, беҳтар ба роҳ мондани фаъолияти ансамблҳои мақомхонон дар сатҳи кишвар, баланд бардоштани завқи зебоипарастӣ ва хештаншиносии наврасону ҷавонон баргузор гардид.
Идомаи Фестивал — озмуни ҷумҳуриявии телевизионии мақомхонон таҳти унвони «Ганҷҳои ҳунар» 17 феврал дар толори мазкур баргузор мегардад.
Даври ҷамъбастии он 5-6 марти соли равон дар толори Қасри фарҳанги шаҳри Турсунзода гузаронида мешавад.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
