Иштироки Сафири Тоҷикистон дар ҷаласаи Маҷлиси федеролӣ оид ба интихоби Президенти Олмон
ДУШАНБЕ, 13.02.2017 /АМИТ «Ховар»/. 12 феварали соли 2017 ҷаласаи Маҷлиси федеролии Олмон оид ба интихоби Президенти Олмон дар бинои Рейхстаг баргузор гардид. Дар ин бора аз Сафорати Тоҷикистон дар Олмон хабар доданд.
Тибқи қонунҳои амалкунандаи Олмон Президент дар маҷлиси федеролӣ интихоб карда мешавад, ки он аз 630 нафар вакилони Бундестаг ва 630 нафар вакилони Бундесрат (Шӯрои федеролии намояндагиҳои ҳукуматҳои маҳалӣ) иборат аст.
Барои иштирок дар кори ин ҷаласа бо даъвати Раиси Бундестаг (парлумон) Сафири Тоҷикистон Маликшо Неъматов ба ҳайси меҳмон иштирок намуд. Ёдовар мешавем, ки моҳи марти соли равон муҳлати фаъолияти Президенти амалкунандаи Олмон Йоахим Гаук ба итмом мерасад.
Барои ишғоли мансаби президентӣ 5 нафар номзадҳо аз ҳизбҳои гуногуни Олмон пешниҳод шуда буданд. Дар натиҷаи раъйдиҳӣ номзадии собиқ вазири корҳои хориҷии Олмон Франк-Валтер Штайнмайер бо ба даст овардани аксарияти кулли овозҳо дастболо гардида, Президенти 12-уми федеролии Олмон интихоб гардид.
Бо мақсади омӯзиши нуктаҳои асосии Паёми Президенти Тоҷикистон дар шаҳри Роғун ҳамоиш доир шуд
Дар Душанбе ҷашни Сада ва намоиши тухмии зироати кишоварзӣ баргузор мегардад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«НАВРӮЗ-МЕРОСИ ФАРҲАНГИЮ ҶАҲОНГАРДӢ». Таҳти ин унвон фестивали байналмилалӣ доир мегардад
«МегаФон Life»: замимае, ки ба он эътимод доранд
Имрӯз дар Тоҷикистон ҳавои тағйирёбанда мешавад
Имрӯз дар Тоҷикистон ҳавои тағйирёбандаи бебориш пешгӯӣ карда мешавад
Таомҳои тоҷикӣ дар шаҳрҳои Федератсияи Русия ба таври шоиста муаррифӣ мегарданд
Имрӯз дар Тоҷикистон ҳавои камабри бебориш пешгӯӣ мешавад
Дар Ҳисор ҳамоиши минтақавии раисони шуроҳои ҷангу меҳнати шаҳру ноҳияҳои тобеи ҷумҳурӣ доир шуд
Имрӯз дар ноҳияҳои алоҳидаи Тоҷикистон туман мефарояд
