Машварат ба соҳибкороне, ки хишти сохтмонӣ истеҳсол мекунанд
ДУШАНБЕ, 14.02.2017. /АМИТ «Ховар»/. Масъалаи баланд бардоштани сифати маҳсулоти корхонаҳои хиштистеҳсолкунандаи Тоҷикистон ва рақобатпазирии он дар бозори дохилӣ зимни машварат, ки 14 феврал дар Агентии «Тоҷикстандарт» доир гардид, баррасӣ шуд.
Аз Агентии «Тоҷикстандарт» ба АМИТ «Ховар» иттилоъ доданд, ки дар машварат намояндагони вазорату идораҳои марбутаи кишвар, роҳбарону масъулини корхонаҳои истеҳсоли хишти сафолии шаҳри Душанбе ва навоҳии тобеи марказ иштирок намуданд.
Бояд тазаккур дод, ки дар радифи дигар санадҳои меъёрию ҳуқуқӣ айни замон Регламенти техникии Ҷумҳурии Тоҷикистон -«Бехатарии масолеҳ ва маснуоти сохтмонӣ» қабул карда шудааст, ки талаботи ҳатмиро барои истеҳсол, фурӯш, тамғагузорӣ, интиқол ва нигоҳдории масолеҳи сохтмонӣ муқаррар намуда, ба таъмини бехатарии бозори истеъмолӣ заминаи мусоид мегузорад.
Дар машварат масъалаҳои вобаста ба риояи талаботи регламенти техникии мазкур ва дар ин замина беҳтар намудани сифати хиштҳои сохтмонӣ баррасӣ гардида, аз ҷониби мутахассисон ба соҳибкорон тавсияҳо дода шуд. Мавриди зикр аст, ки алҳол дар шаҳри Душанбе ва навоҳии тобеи марказ наздик ба 60 корхонаи хусусӣ оид ба истеҳсоли хишт фаъолият доранд.
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
Имрӯз дар шаҳри Душанбе ҳаво то 31 дараҷа гарм мешавад
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
