Масоили марбут ба ҳамкории байниҳукуматии Тоҷикистону Россия дар соҳаи кишоварзӣ дар Душанбе баррасӣ гардид
ДУШАНБЕ, 21.02.2017 /АМИТ «Ховар»/. Имрўз Сарвазири мамлакат Қоҳир Расулзода бо муовини Вазири кишоварзии Федератсияи Россия Евгений Громико мулоқот намуд.
Дар мулоқот масоили марбут ба ҳамкории байниҳукуматии Тоҷикистону Россия дар соҳаи кишоварзӣ ва тиҷорати агросаноатӣ мавриди баррасӣ қарор дода шуд.
Ҷонибҳо ба таври мушаххас доир ба масъалаҳои тақвияти содироти маҳсулоти кишоварзӣ, аз қабили содироти меваю сабзавоти хушсифати Тоҷикистон ба Федератсияи Россия ва беҳтар гардонидани шароиту имкониятҳои ҳамкории байниҳукуматӣ дар соҳаи кишоварзӣ табодули афкор намуданд.
Ҷиҳати мусоидат ба шароити созгори содироти маҳсулоти кишоварзии Тоҷикистон ба Федератсияи Россия тавассути бунёди коргоҳҳои агросанотии банду баст, таъсис ва бунёди марказҳои логистикию сардхонаҳои нигоҳдории меваю сабзавот фикру мулоҳизаҳои судманд баён карда шуданд.
Ҳамчунин барои бартарафсозии монеаҳои ба рушди ҳамкории кишоварзии дуҷониб таъсиррасон, аз ҷумла мушкилоти ҳамлу нақли маҳсулот аз Тоҷикистон ба Россия тавассути роҳи оҳан ва бозбинии тарифҳои гумрукии интиқоли он таклифҳои баманфиат пешниҳод гардиданд.
Мағозаи интернетии shop.megafon.tj: муносибтар, зудтар, муфидтар
Имрӯз дар Тоҷикистон ҳавои тағйирёбандаи бебориш пешгӯӣ шуда, туман мефарояд
Бахшида ба Рӯзи матбуоти тоҷик дар Маркази тадқиқоти стратегӣ ҳамоиш баргузор гардид
Мавқеи воситаҳои ахбори омма дар таҳкими худшиносии миллӣ назаррас аст
Дар шаҳри Хоруғ мусобиқаи «Ватанпарвар» баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
Ҳамёни рақамӣ дар «МегаФон Life» боз ҳам мувофиқтар шуд
Имрӯз дар Тоҷикистон борони бошиддат меборад
Дар ноҳияи Роштқалъа корҳои биотехникӣ идома доранд
Дар Ҳисор муоинаи техникаҳои кишоварзӣ ва омодагии онҳо ба мавсими кишт гузаронида шуд
