Роналду — беҳтарин легионер дар таърихи Премйер-лигаи Англия

ДУШАНБЕ, 13.02.2017/АМИТ «Ховар»/. Собиқ ҳамлагари клуби футболи «Манчестер Юнайтед» Криштиану Роналду дар зинаи аввали 100- гонаи беҳтарин футболбозони легионери Премйер-лигаи Англия аз рӯи пурсиши маҷаллаи бритонии «Four Four Two» ҷой гирифт. Дар ин бора «championat.com» хабар медиҳад.
Футболбози португалӣ дар мавсими соли 2003 ба тими «Манчестер Юнайтед» гузашта, то соли 2009 ҳунарнамоӣ кардааст. Роналду дар тими мазкур се маротиба чемпиони Англия ва як маротиба соҳиби Ҷоми Лигаи чемпионҳои Аврупо гаштааст. Аввалин ҷоизаи «Тӯби тилло»-ро дар ҳайати «МЮ» сазовор гаштааст.
Мақоми дуюми раддабандии 100- гонаи беҳтарин футболбози хориҷӣ дар Премйер-лигаи Англияро собиқ ҳамлагари «Арсенал» Терри Анри аз худ кард. Дар зинаи сеюм ҳамлагари «Лидс Юнайтед» ва «Манчестер Юнайтед» Эрик Кантона ҷойгир шуд.
10-гонаи беҳтарин легионерҳои Премйер-лигаи Англия аз рӯи пурсиши маҷаллаи «FourFourTwo» чунин шакл гирифтааст:
1. Криштиану Роналду («Манчестер Юнайтед»)
2. Терри Анри («Арсенал»)
3. Эрик Кантона («Манчестер Юнайтед»)
4. Деннис Бергкамп («Арсенал»)
5. Диде Дрогба («Челси»)
6. Серхио Агуэро («Манчестер Сити»)
7. Ҷанфранко Дзола («Челси»)
8. Патрик Виейра («Арсенал»)
9. Петер Шмейхел («Манчестер Юнайтед»)
10. Давид Жинола («Нюкасл», «Тоттенхэм»)