«Сад ҷону дил фидои як муддаои модар!»-конфронс ба ифтихори Рӯзи Модар

ДУШАНБЕ, 28.02.2017 /АМИТ «Ховар»/. Бахшида ба Рӯзи Модар таҳти унвони «Сад ҷону дил фидои як муддаои модар!» бо ташаббуси Шуъбаи кор бо занон ва оилаи Мақомоти иҷроияи маҳаллии ҳокимияти давлатии ноҳияи Рӯдакӣ конфронс баргузор гардид. Дар ин бора аз Кумитаи кор бо занон ва оилаи назди Ҳукумати Ҷумҳурии Тоҷикистон иттилоъ доданд.
Бино ба иттилои манбаъ, конфронс дар қасри фарҳангии ноҳия бо иштироки зиёда аз 300 нафар бонувону гулдухтарон баргузор гашта, дар он оид ба бузургии зан-модар ва ситоиши зани тоҷик суханҳои нек гуфта шуданд.
Дар хотимаи конфронс фаъолзанон бо сипосномаҳои Мақомоти иҷроияи маҳаллии ҳокимияти давлатии ноҳия ва шуъбаи кор бо занон ва оилаи ноҳия қадрдонӣ гаштанд.