4 март дар Душанбе озмуни «Авто-Бону — 2017» барпо мешавад

Март 2, 2017 15:00

ДУШАНБЕ, 02.03.2017 /АМИТ «Ховар»/. Қарори иҷрокунандаи вазифаи Раиси шаҳри Душанбе Рустами Эмомалӣ аз 28 феврал «Дар бораи гузаронидани озмуни «Авто-Бону — 2017» ба тавсиб расид.
Тавре аз шуъбаи таҳлилӣ ва иттилоотии дастгоҳи Раиси шаҳри Душанбе хабар доданд, қарори мазкур дар асоси муроҷиати Вазорати корҳои дохилии Ҷумҳурии Тоҷикистон оид ба гузаронидани озмуни «Авто-Бону-2017», ки бо мақсади баланд бардоштани малакаи касбии занҳои ронанда, такмили шаклу усулҳои кор оид ба пешгирии ҳодисаҳои роҳу нақлиёт, риояи қоидаҳои ҳаракат дар роҳ ва идоракунии бехатари воситаҳои нақлиёт нигаронида шудааст, ба тавсиб расид. Барои гузаронидани озмуни «Авто-Бону-2017» ба Раёсати БДА-и Вазорати корҳои дохилии Ҷумҳурии Тоҷикистон аз соати 9:00 то 18:00 -и 4 марти соли 2017 дар пойгоҳи мошинронии ба номи А.Турсунов, воқеъ дар километри 7- уми кӯчаи С.Айнии шаҳри Душанбе иҷозат дода шудааст.
Макони ҷамъшавӣ ва бақайдгирии иштирокдорон дар назди Муассисаи давлатии «Наврӯзгоҳи пойтахт» муқаррар гардида, баъдан қатораи автомобилҳои дар озмун ширкатдошта таҳти роҳбаладии автомобилҳои роҳбонӣ (патрулӣ)-и БДА ва мототсиклронҳои клуби умумитехникии Ҷамъияти мададгори мудофиа ҳаракатро тавассути кӯчаву хиёбонҳои Ҳ.Шерозӣ — И.Сомонӣ Рӯдакӣ — С.Айнӣ то пойгоҳи автомобилронии ба номи А. Турсунов анҷом медиҳанд.

Март 2, 2017 15:00

Хабарҳои дигари ин бахш

Дар Душанбе бахшида ба Рӯзи Президент ҳамоиши тантанавӣ доир гардид
Бахшида ба Рӯзи Президент дар пойтахт хатсайрҳои сайёҳии маърифатӣ ташкил карда шуданд
Бахшида ба Рӯзи Конститутсия дар мавзуи «Асосҳои конститутсионии муқовимат ба коррупсия» ҳамоиш доир шуд
Дар Душанбе оид ба таҳияи нақшаи чорабиниҳои 40-солагии истиқлолияти давлатӣ ҷаласаи гурӯҳи корӣ доир шуд
31 ОКТЯБР — РӮЗИ ҶАҲОНИИ ШАҲРҲО. Дар хиёбони Саъдии Шерозии Душанбе 3 эстакадаи дусатҳа бунёд мегардад
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд