Бӯстон: Бархурдории беш аз 360 нафар аз баргузории «Корвони саломатӣ»
ХУҶАНД. 17.03.2017. /АМИТ «Ховар»/. Бо мақсади пешгирии ҳама гуна бемориҳо ва ҳамчунин солим нигоҳ доштани аҳолӣ, мутобиқи нақшаи чорабиниҳои Мақомоти иҷроияи ҳокимияти давлатии шаҳри Бӯстон дирӯз дар маркази саломатии ҷамоати шаҳраки Палос «Корвони саломатӣ» доир гардид.
Дар ин рӯз ба аҳолии беш аз 4 ҳазорнафараи ҷамоати мазкур аз ҷониби кормандони муассисаи давлатии «Кумаки аввалияи тиббию санитарӣ»-и шаҳри Бӯстон» ба таври ройгон хизмати тиббӣ расонида шуд.
Тавре ки ба АМИТ «Ховар» аз Мақомоти иҷроияи ҳокимияти давлатии шаҳри Бӯстон иттилоъ доданд, дар рӯзи баргузории «Корвони саломатӣ» беш аз 360 нафар шаҳрвандон ба табибон муроҷиат намуда, барои ҳифзи саломатиашон аз духтурони асабшинос, гӯш, гулӯ, дандонпизишк ва духтурони оилавӣ маслиҳатҳои муфид гирифтанд. Ҳамчунин як қисми муроҷиаткунандагон дар асоси пешниҳоди мутахассисон барои муолиҷа ба муассисаҳои тандурустӣ фиристода шуданд.
Бино ба иттилои масъулин, тибқи нақша чунин чорабинии саломатӣ дар ҷамоати номбурда дар як сол чор маротиба, яъне ҳар семоҳа гузаронида мешавад.
Ҷашни пуршукуҳи ниёгон-Сада дар вилояти Хатлон бо шаҳомати хосса таҷлил гардид
Дар шаҳри Турсунзода иди Сада бо риояи суннатҳои аҷдодӣ таҷлил гардид
Пагоҳ дар Агентии хизмати давлатӣ, Академияи идоракунии давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ ва Саридораи геология нишасти матбуотӣ доир мегардад
«Сомон Эйр» мутахассисони баландихтисосро ба кор даъват мекунад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Вазорати фарҳанг, кумитаҳои телевизион ва радио, хоҷагии манзилию коммуналӣ, Ваколатдор оид ба ҳуқуқи инсон ва «Телевизиони Сафина» нишасти матбуотӣ доир мегардад
Дар шаҳри Хоруғ Моҳвораи маҳфилҳои зеҳнию маърифатӣ ва бозиҳои варзишию ҳарбӣ оғоз ёфт
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар баъзе ноҳияҳои Тоҷикистон туман мефарояд
