Бонки аврупоии таҷдид ва рушд дар Тоҷикистон дар ҳаҷми 750 миллион доллари америкоӣ маблағгузорӣ намудааст
ДУШАНБЕ, 28.03.2017 /АМИТ «Ховар»/. Аз ҷониби Бонки аврупоии таҷдид ва рушд то имрӯз дар Тоҷикистон 100 лоиҳаи сармоягузорӣ дар ҳаҷми 750 миллион доллари америкоӣ маблағгузорӣ шудааст. Дар айни замон ҳамкорӣ дар самти татбиқи 65 лоиҳа бо маблағи умумии 420 миллион доллар идома дорад. Ин маълумотро ноиби якуми Президенти Бонки аврупоии таҷдид ва рушд Филип Беннетт баъди мулоқот бо Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар назди хабарнигорон иброз намуд.
Ноиби якуми Президенти Бонки аврупоии таҷдид ва рушд зимни изҳорот зикр намуд, ки Бонки мазкур ният дорад дар Ҷумҳурии Тоҷикистон корҳои зиёдро ба сомон расонад, то самараи бештар ба бор оранд. Таъкид гардид, ки дар мулоқот бо Президенти Ҷумҳурии Тоҷикистон ба масъалаҳои хизматрасониҳои молиявӣ, бонкдорӣ, энергетика, хизматрасониҳои коммуналӣ, беҳтар намудани фазои сармоягузорӣ, муҳити соҳибкорӣ ва рушди сохтори хусусӣ эътибори хосса дода шуд.
Филип Беннетт изҳори боварӣ намуд, ки бо мусоидат ва дастгирии Ҳукумати Ҷумҳурии Тоҷикистон дар ду соли оянда дар ин самтҳо корҳои зиёдро метавон ба анҷом расонид. Дар ин ҷода Бонки аврупоии таҷдид ва рушд Ҷумҳурии Тоҷикистонро ҳамаҷониба дастгирӣ мекунад ва кӯшиш ба харҷ медиҳад.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
