«Эҳтирому қадрдонии заҳматҳои модар қарзи ҳар як инсони баномус аст»-бардошт аз маҳфили идона дар Бадахшон
ДУШАНБЕ, 07.03.2017. /АМИТ «Ховар»/. Дар толори Раёсати Вазорати корҳои дохилии Ҷумҳурии Тоҷикистон дар Вилояти Мухтори Кӯҳистони Бадахшон ба муносибати истиқболи Рӯзи Модар барномаи идона баргузор гардида, дар он ҳайати шахсии Раёсат, афсарон ва сарбозони қисми низомии 3503-и қӯшунҳои дохилии ВКД дар ВМКБ, бонувон-собиқадорони мақомоти корҳои дохилии вилоят иштирок намуданд. Дар ин бора аз Раёсати Вазорати корҳои дохилӣ дар ВМКБ хабар доданд.
Дар ҷамъомади идона сардори РВКД дар ВМКБ полковники милитсия Абдулваҳоб Искандарзода аз номи Вазири корҳои дохилии Ҷумҳурии Тоҷикистон Рамазон Раҳимзода ҳамаи занон ва бонувони собиқадори милитсияро бо ҷашн табрик намуда, гуфт, ки боло бурдани мақому мартабаи зан пайваста дар суханрониҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз минбарҳои баланд садо дода, нишони таваҷҷуҳ ва эътибори ҷиддӣ додан ба фаъолияти занон мебошад.
Зикр гардид, ки бузургдошти модар ва эҳтирому қадрдонии заҳматҳои ӯ қарзи ҳар як инсони бонангу номус аст.
Дар маҳфили идона муовини сардори РВКД дар ВМКБ Ғайратшо Муборакшозода иброз дошт, ки «бо эҳтирому самимияти беандоза ин рӯзи фархундаву файзбахш ва хотирмонро ба модарон ва дар симои онҳо ба тамоми занону духтарон табрик гуфта, барояшон тансиҳатию хонаободӣ, зиндагии шоиставу ҳаёти хуррамона, хотирҷамъӣ ва бахту саодат таманно менамоям».
Сардори Шуъбаи ҳифзи тартиботи ҷамъиятии РВКД дар ВМКБ Мушк Абдумамадзода зикр кард, ки ҷашни расмии давлатӣ эълон шудани Рӯзи Модар ва ба феҳристи ҷашнҳои расмии давлатӣ ворид намудани он гувоҳи равшани мақому манзалати баланди зан дар кишвари тоҷикон аст.
Барои зоҳир намудани маҳорат ва малакаи баланди касбӣ ва ба муносибати Рӯзи Модар бо Фармони Вазири корҳои дохилии Ҷумҳурии Тоҷикистон ба бонувон, кормандони мақомоти корҳои дохилӣ ва собиқадорони вилоят медалу нишонҳои сарисинагӣ, сипосномаҳо, раҳматномаҳо ва туҳфаҳои арзишнок тақдим карда шуданд.
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Пагоҳ дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
