Эмомалӣ Раҳмон: «Дар низоми хизмати давлатӣ дар Тоҷикистон 20 фоизро занон ташкил медиҳанд»
ДУШАНБЕ, 07.03.2017/АМИТ «Ховар»/. «Аз шумораи умумии беш аз 19 ҳазор нафар хизматчиёни давлатӣ дар Ҷумҳурии Тоҷикистон 4200 нафар ё 22 % -ро занон ташкил медиҳанд». Ин матлабро Президенти Ҷумҳурии Тоҷикистон Эмомалӣ Раҳмон 7 март зимни мулоқот бо фаъолзанони кишвар дар иртибот ба иди зебои баҳор- Рӯзи Модар зикр намуданд. Бо дахли мақоми зан-модари тоҷик дар рушди соҳаҳои гуногуни иқтисодиёти миллӣ Пешвои миллат таъкид намуданд, ки нақши занони бофарҳангу соҳибмаърифат дар ташвиқу тарғиби пойдории оила ва ҷомеаи солим, инчунин иштироки онҳо дар таҳия ва амалӣ сохтани барномаҳои рушди иқтисодиву иҷтимоӣ низ назаррас мебошад. Алҳол дар Тоҷикистон 70 фоизи кормандони соҳаи маориф ва 60 фоизи кормандони соҳаи тандурустиро занон ташкил медиҳанд.
Ҳамзамон шумораи занони соҳибкор беш аз 138 ҳазор нафар буда, сарварии 20 ҳазору 500 хоҷагии деҳқониро занон ба уҳда доранд.
Президенти Ҷумҳурии Тоҷикистон Эмомалӣ Раҳмон таъкид карданд, ки бо мақсади мусоидат ба рушди фаъолияти соҳибкории занон Қарори Ҳукумати мамлакат «Дар бораи таъсис ва ҷудо намудани грантҳои Президенти Ҷумҳурии Тоҷикистон барои дастгирии фаъолияти соҳибкории занон барои солҳои 2016-2020» қабул шудааст. Дар ин асос дар давоми се сол тавассути сохторҳои Вазорати меҳнат, муҳоҷират ва шуғли аҳолӣ қариб ба 6000 нафар занон дар ҳаҷми 18 миллион сомонӣ ёрии молиявӣ пардохта шудааст, ки ин раванд бозгӯи дастгирию ғамхории Ҳукумати Ҷумҳурии Тоҷикистон, бахусус Пешвои миллат Эмомалӣ Раҳмон нисбат ба занону бонувон дар самти беҳдошти вазъи иҷтимоӣ мебошад.
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
