Форуми байналмилалии сатҳи олии «омодасозии харитаи роҳ дар тахассуси стандартҳо, аккредитатсия ва системаи профессионалӣ»

ДУШАНБЕ, 28.03.2017 /АМИТ «Ховар»/. Дирӯз дар Академияи илмҳои Ҷумҳурии Тоҷикистон Форуми байналмилалии сатҳи олӣ ва семинари «омодасозии харитаи роҳ дар тахассуси стандартҳо, аккредитатсия ва системаи профессионалӣ» баргузор гардид.
Тавре аз Академияи илмҳои Ҷумҳурии Тоҷикистон хабар доданд, дар форуми мазкур ҳайати намояндагии созмонҳои байналхалқӣ, чун ЮНЕСКО, Фонди илмии ЭКО, Шӯрои муҳандисии Покистон, Донишгоҳи техникии Тоҷикистон ба номи академик М. Осимӣ, Донишгоҳи технологии Тоҷикистон ва АИ ҶТ иштирок намуданд.
Инчунин дар форум ва семинар Шамсиддин Орумбекзода, Вазири фарҳанги Ҷумҳурии Тоҷикистон, профессор Хуршед Зиёев, намояндаи Вазорати маориф ва илми Ҷумҳурити Тоҷикистон, Президенти Шӯрои муҳандисии Покистон Лию Сила ва дигарон зикр намуданд, ки баргузории форум ва семинар барои омодасозии харитаи роҳ дар тахассуси стандартҳо, аккредитатсия ва низоми касбӣ имконияти хубе фароҳам хоҳад овард, зеро дар ҷараёни он олимону муҳаққиқон бо ҳамдигар мубодилаи афкор намуда, дар ин замина ҳамкории дуҷонибаро ба роҳ мемонанд.
Сипас, Форуми байналмилалӣ дар ҷанбаҳои гуногун фаъолияти худро идома дод.