Хизматчиёни қӯшунҳои сарҳадӣ моҳи феврал 17 қочоқчиро дастгир намуданд

Март 6, 2017 11:47

ДУШАНБЕ, 06.03.2017 /АМИТ «Ховар»/. Бо мақсади омӯзишу муайян сохтани гурӯҳҳои муташаккили фаромиллии қочоқбар, пешгирӣ намудани интиқоли қочоқи маводи мухаддир, силоҳу муҳимоти ҷангӣ ва кӯшишҳои убури ғайриқонунии сарҳади давлатӣ дар моҳи феврали соли 2017 дар минтақаҳои сарҳадии отрядҳои сарҳадии «Ишкошим, «Хоруғ», «Шӯрообод», «Ҳамадонӣ», «Панҷ» ва «Панҷакент», аз ҷониби хизматчиёни ҳарбии Қӯшунҳои сарҳадии ҚДАМ ҶТ дар якҷоягӣ бо кормандони КДАМ ҶТ амалиёти махсус гузаронида шуданд.
Ба иттилои Муҳаммад Улуғхоҷаев, сардори маркази матбуоти Қӯшунҳои сарҳадии КДАМ , дар ин муддат ҷузъу томҳои ҚС КДАМ ҶТ дар ҳамкорӣ бо дигар мақомоти қудратӣ 7 амалиёт, ки аз инҳо Қӯшунҳои сарҳадӣ дар алоҳидагӣ 2 амалиёт, бо КДАМ ҶТ 4 амалиёт ва бо Кумитаи гумруки ҶТ як амалиёт гузарониданд.
Зимни амалиёти мазкур дар минтақаҳои номбаршуда 17 қочоқчӣ, аз ҳисоби шаҳрвандони Ҷумҳурии Тоҷикистон 14 нафар ва шаҳрвандони Ҷумҳурии Исломии Афғонистон 3 нафар, ки ба муомилаи ғайриқонунии маводи мухаддир даст доштанд, дастгир гардиданд.
Аз қочоқчиён ба миқдори 165 кг 975 гр маводи мухаддир, аз ҷумла 74 кг 500 гр маводи мухаддири ҳашиш, 87 кг 570 гр маводи нашъадори афюн, 3 кг 905 гр «Мет-Амфитамин» ва 17 кг бангдона мусодира карда шуд.
Инчунин 2 адад силоҳи оташфишон бо тирдону тирҳояш дарёфт ва мусодира гардиданд.
Дар моҳи сипаригашта дар сарҳади давлатии ҶТ бо давлатҳои ҳамсарҳад 10 далели вайронкунии сарҳади давлатии ҶТ ва 5 далели низоми сарҳади давлатии ҶТ ба қайд гирифта шуд, ки дар натиҷа 25 нафар вайронкунандагони сарҳади давлатии ҶТ ва 10 нафар вайронкунандагони низоми сарҳадӣ дастгир гардиданд. Ҳангоми пешбурди хизмат байни наряди сарҳадӣ ва қочоқчиёни маводи мухаддир як маротиба задухӯрди мусаллаҳона ба амал омад.
Нисбат ба дастгиршудагон, мусодираи маводи мухаддир ва яроқи оташфишон ҳуҷҷатҳои зарурӣ тартиб дода шуда, ба вазорату идораҳои дахлдор супорида шуданд. Дар айни замон аз тарафи мақомоти дахлдор корҳои тафтишотӣ идома доранд.

Март 6, 2017 11:47

Хабарҳои дигари ин бахш

Байни Тоҷикистон ва Амороти Муттаҳидаи Арабӣ Ёддошти тафоҳум оид ба эътирофи мутақобили шаҳодатномаҳои ронандагӣ ба имзо расид
Дар Прокуратураи генералӣ Рӯзи Президентро таҷлил намуданд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро шуд
80 корманди мақомоти корҳои дохилӣ бо манзили зист таъмин мешаванд
Соли 2027 Тоҷикистон раёсатро дар Созмони Аҳдномаи амнияти дастҷамъӣ ба уҳда мегирад
Ҳабибулло Воҳидзода бо сафири навтаъйини Беларус дар Тоҷикистон мулоқот намуд
Эмомалӣ Раҳмон: «Ҳар корманди милитсия бояд бо рафтору гуфтор, дониш, самимияту эътимод сазовори боварии шаҳрвандон бошад»
Дар Роғун Рӯзи милитсияи тоҷикро таҷлил намуданд
Дар Суғд Рӯзи милитсияи тоҷикро ботантана таҷлил намуданд
Дар 26 шаҳру ноҳияи Тоҷикистон шуъбаҳои Вазорати корҳои дохилӣ бо биноҳои замонавӣ таъмин шуданд
Рӯзи милитсияи тоҷик дар Вилояти Мухтори Кӯҳистони Бадахшон ботантана таҷлил гардид
10 НОЯБР — РӮЗИ МИЛИТСИЯИ ТОҶИК. Барои беҳтар намудани шароити хизмат дар мақомоти корҳои дохилӣ беш аз 1500 иншоот бунёд гардидааст