Идигул Қосимзода: «Наврӯз барои мардуми сарбаланди тоҷик оғози корҳои неки муштарак ва амалҳои созанда аст»
ДУШАНБЕ, 28.03.2017. /АМИТ «Ховар»/. Ҷашни Наврӯзи Аҷам дар Муассисаи давлатии Маркази таълимии «Чароғи ҳидоят» бо иштироки Шӯрои занони сулҳовари назди Кумитаи кор бо занон ва оилаи назди Ҳукумати Ҷумҳурии Тоҷикистон, мудирони шуъба ва бахшҳои кор бо занон ва оилаи шаҳру ноҳияҳои Душанбе ва фаъолзанон дар сатҳи баланди ташкилӣ баргузор гардид. Дар ин бора аз Кумитаи кор бо занон ва оилаи назди Ҳукумати Ҷумҳурии Тоҷикистон хабар доданд.
Раиси Кумита Идигул Қосимзода ҳамагонро бо баҳори нозанин, ҷашни фархундаи Наврӯзи оламафрӯз, ҷашни эҳёи табиат, ибтидои пешомадҳои нав, оғози ниятҳои баҳорӣ ва нақшаву тадбирҳои тоза табрик гуфта, дар Соли нав ба тамоми модарону хоҳарони кишвари Тоҷикистон муваффақиятҳои неку бобарор орзу намуда, гуфт:
«Мо бисёр хушҳолу сарбаланд ҳастем, ки ҷомеаи ҷаҳонӣ ин ҷашни воқеан мардумиро чун дастоварди бузурги хиради башар пазируфтааст ва итминон дорем, ки он воситаи пуртаъсире барои таҳкими сулҳу субот ва оромиву ободӣ дар дунёи муосир хоҳад буд».
Раиси Кумита бо таманнои он ки ин баҳору Наврӯз барои мардуми сарбаланди тоҷик оғози корҳои неки муштарак ва амалҳои созанда гардад, ба ҳамагон соли хушу бобарор орзу намуд.
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
Имрӯз дар баъзе ноҳияҳои Тоҷикистон чангу ғубор ба амал меояд
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
35-СОЛАГИИ ИСТИҚЛОЛИЯТИ ДАВЛАТӢ. Дар ин давра Тоҷикистон ба дастовардҳои рушди устувор ноил гардид
Имрӯз дар доманакӯҳҳои Тоҷикистон ҳаво то 35 дараҷа гарм мешавад
Имрӯз дар пойтахт Рӯзи фарҳанги вилояти Хатлон оғоз шуд
