Интиқоли кумаки ғизоӣ ва сӯзишворӣ ба сокинони водии Бартанги ноҳияи Рӯшон ба воситаи чархбол
ХОРУҒ, 06.03.2017. /АМИТ «Ховар»/. Тарма ва селу резиши регу сангпораҳо ҳанӯз аксарияти деҳоти водии Бартангро дар муҳосира қарор додааст ва расонидани кумаки ғизоӣ ба сокинони ин водӣ аз тариқи роҳи заминӣ ғайриимкон аст. Аз ин рӯ бо супориши Пешвои миллат тавассути чархболи Вазорати мудофиаи Ҷумҳурии Тоҷикистон маводи ғизоӣ ва сӯхт, аз ҷумла орду равған, чою биринҷ, сӯзишвории дизелӣ ба миқдори 5 тонна ба баъзе аз деҳоти дурдаст интиқол дода шуд. Раиси Вилояти Мухтори Кӯҳистони Бадахшон Шодихон Ҷамшед ҳангоми мулоқот бо сокинони ҷамоати дурафтодаи Савноб гуфт, ки Ҳукумати ҷумҳурӣ ба мақсади боз кардани роҳи мошингард аз тамоми имконоти моддию техникӣ истифода мебарад, аммо тармаву сангчархи такрорӣ то ба ҳол имкон намедиҳанд ин роҳ пурра кушода шавад.
Сокинони деҳоти Рухч, Нисури ҷамоати Савноб аз камбуди ангишту ҳезум шикоят карданд ва хоҳиш намуданд, ки барои омода кардани ҳезум дар ҷангали деҳа ба онҳо иҷозат диҳанд. Раиси ВМКБ ба мутахассисони соҳаи ҷангалпарварӣ супориш дод, ки ба миқдори муайян аз ҳисоби дарахтони пиру шохҳои хушкшуда барои тайёр намудани ҳезум ба деҳотиён кумак расонанд. Вале ин маъракаро зери назорати қатъӣ қарор диҳанд, то ба табиат осеб нарасад. Зеро ин давраи мушкил баъди чанд рӯз ба охир мерасад, аммо барои парвариши як дарахт 10 -15 сол зарур аст.
Дар ин сафар раиси ВМКБ-ро ҳамчунин табибон ҳамроҳӣ карданд ва ба беморон кумаки тиббӣ расонданд. Нуҳ нафар аз маризонро дар бозгашт тавассути чархбол ба беморхонаи вилоятӣ барои идомаи табобат интиқол доданд.
Аз мактабҳои автомобилии Ташкилоти ҷамъиятии мададгори мудофиаи шаҳрҳои Ваҳдату Турсунзода 493 нафар ба сафи Артиши миллӣ мераванд
Имрӯз дар водиҳои Тоҷикистон ҳаво то 25 дараҷа гарм мешавад
Обуҳавошиносон дар Шанхай шуруъ аз соли 1945 бори нахуст дар моҳи март гармии 30 дараҷаро сабт намуданд
Имрӯз дар Тоҷикистон ҳавои тағйирёбанда пешгӯӣ мешавад
Коршиносони СҲШ оид ба тағйирот дар қонунгузории миллӣ дар соҳаи мубориза бо маводи мухаддир табодули иттилоъ намуданд
«E-license». Иқдоми нав ба сӯи рақамикунонӣ дар Агентии амнияти химиявӣ, биологӣ, радиатсионӣ ва ядроии Тоҷикистон
Толорҳои алоқа – барои ҳама!
Вазири таҳсилоти олӣ, илм ва инноватсияҳои Узбекистон бо донишҷӯёни тоҷик мулоқот намуд
Имсол кишоварзони вилояти Хатлон дар 41 ҳазор гектар кишти пунбадонаи зери плёнка мегузаронанд
Ба Хоҷагии манзилию коммуналии шаҳри Гулистон техникаҳои нав супорида шуд
Муқаддас Султонова: «Дар нақши чаканамон табиати зебои Тоҷикистонро тасвир менамоем»
Имсол дар Тоҷикистон дар чанд гектар кишти пунбадона гузаронида мешавад?
