JICA тасмим дорад ба мақомоти гумрук кумакҳои техникӣ ироа созад
ДУШАНБЕ, 06.03.2017/АМИТ «Ховар»/. Агентии Ҷопон оид ба ҳамкории байналмилалӣ /JICA/ тасмим дорад, ки дар оянда дар доираи Лоиҳаи Барномаи Рушди Созмони Милали Муттаҳид ва дастгирии Ҳукумати Ҷопон- Лоиҳаи JICA барои идораи пурмаҳсули фаъолияти сарҳадии Ҷумҳурии Тоҷикистон бо Давлати исломии Афғонистон, ба мақомоти гумруки Ҷумҳурии Тоҷикистон таҷҳизоти махсуси рентгенӣ ва лавозимоти зарурӣ кумак намояд. Ин матлаб зимни мулоқоти Азим Ҳайдар, муовини Сардори Хадамоти гумруки назди Ҳукумати Ҷумҳурии Тоҷикистон бо Ҳидеки Танабе, Роҳбари навтаъйини Агентии Ҷопон оид ба ҳамкории байналмилалӣ (JICA) таъкид гардид.
Аз мақомоти гумруки Тоҷикистон ба АМИТ «Ховар» иттилоъ доданд, ки дар мулоқот масоили марбут ба тавсеаи ҳамкории мақомоти гумруки Ҷумҳурии Тоҷикистон бо Агентии Ҷопон оид ба ҳамкории байналмилалӣ баррасӣ гардид.
Азим Ҳайдар, роҳбари тозатаъйини JICA Ҳидеки Танаберо оид ба фаъолияти мақомоти гумруки Тоҷикистон ва сатҳи ҳамкории Хадамоти гумрук бо JICA шинос намуд. Зикр гардид, ки мақомоти гумруки Тоҷикистон ҳамкориро бо JICA тавсеа бахшида, ҷиҳати тақвияти он дар бахши омода намудани мутахассисон, табодули таҷриба ва ҷалби кумакҳои техникӣ ҳавасманд мебошад. Дар ин росто Ҳидеки Танабе омодагии худро барои расонидани кумакҳои техникӣ, омӯзиш ва такмили ихтисоси соҳаи гумрукӣ баён намуд.
Ҳамзамон дар мулоқот мусоҳибон оид ба ҳамкории дуҷонибаи судманд, бахусус фаро гирифтани мутахассисони мақомоти гумруки Тоҷикистон барои такмили ихтисос дар мавзӯъҳои «Татбиқи сиёсати гумрукӣ дар сатҳи минтақавӣ» ва «Маъмурикунонии гумрук дар минтақаи Осиёи Марказӣ ва Қафқоз» табодули назар намуданд.
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Пагоҳ дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
