Моҳи март сокинони Тоҷикистон чанд рӯз истироҳат мекунанд?

ДУШАНБЕ, 06.03.2017/АМИТ «Ховар»/. Сокинони Ҷумҳурии Тоҷикистон дар моҳи март бо назардошти рӯзҳои истироҳатӣ ва таҷлили ду иди баҳорӣ- 8 март- Рӯзи Модар ва ҷашни байналмилалии Наврӯз 13 рӯз истироҳат менамоянд. Ҳамин тариқ шаҳрвандони кишварамон дар моҳи март рӯзҳои 4, 5, 11, 12, 18, 19, 25 ва 26, ки истироҳатиянд, 8 март- Рӯзи Модар ва 21, 22, 23, 24-уми март ҷашни байналмилалии Наврӯз истироҳат мекунанд.
Тавре аз Федератсияи Иттифоқҳои касабаи мустақили Тоҷикистон ба АМИТ «Ховар» иттилоъ доданд, дар асоси Қонуни Ҷумҳурии Тоҷикистон «Дар бораи рӯзҳои ид» агар ид ба рӯзи истироҳат рост ояд, рӯзи баъдии он рӯзи ғайрикорӣ мебошад. Дар ин росто, дар тақвими соли 2017 рӯзҳои 8 март ва ҷашни байналмилалии Наврӯз ба рӯзҳои истироҳат рост намеоянд. Аз ин рӯ, рӯзҳои истироҳат ва идҳо дар асоси нақшаи тақвимии корӣ сурат мегиранд.