Наврӯз ҷаҳонӣ шуд! Таҷлили иди Наврӯз дар «Боғи пойтахт»

Март 21, 2017 10:09

ДУШАНБЕ, 21.03.2017 /АМИТ «Ховар»/. Дар ин лаҳзаҳо дар Муассисаи давлатии «Боғи пойтахт» ба муносибати фарорасии Наврӯзи байналмилалӣ барномаи наврӯзӣ ва намоиши ҳунарҳои мардумии ноҳияи Синои шаҳри Душанбе ҷараён дорад.
Тавре мухбири АМИТ «Ховар» хабар медиҳад, бо вуҷуди он, ки ҳаво боронист, мардум бо шодию нишоти идона вориди базмгоҳ гардида, аз барномаи фарҳангӣ, ки дар он ҳунарҳои дастии мардуми тоҷик, аз қабили чакандӯзӣ, зардӯзӣ, қуроқдӯзӣ, кашидадӯзӣ ва чандин намунаҳои фарҳанги волои мардуми соҳибтамаддуни тоҷик манзури тамошобинон гардидаанд, дидан менамоянд.
Абдусалим, сокини шаҳри Душанбе, ки дар ин барномаи фарҳангӣ иштирок дошт, дар бораи таҷлил намудани ҷашни Наврӯз чунин гуфт: «Бо шарофати соҳибистиқлол гардидани Ҷумҳурии Тоҷикистон ва ташаббуси бевоситаи Пешвои миллат муҳтарам Эмомалӣ Раҳмон имрӯз иди Наврӯз бо тамоми арзишҳои суннатии худ эҳё гардидааст. Фикр мекунам ин орзую армони ҳазорсолаи миллати тоҷик буд, ки ҷомаи амал пӯшид».
Ёдовар мешавем, ки соли 2009 иди Наврӯз аз ҷониби Кумитаи ҳифзи мероси фарҳангии ЮНЕСКО ба мероси башарии фарҳанги ғайримоддии ҷаҳонӣ дохил карда шуд. 19 феврали соли 2010 Маҷмааи умумии Созмони Милали Муттаҳид қатъномаеро қабул кард, ки тибқи он ҷашни Наврӯз бо тамоми арзишҳояш эҳё гардида, мақоми байналмилалиро соҳиб шуд ва ҷаҳонӣ гардид.

Март 21, 2017 10:09

Хабарҳои дигари ин бахш

Вобаста ба Даҳаи муаррифии илми академии тоҷик конференсияи илмию назариявӣ баргузор шуд
Ҷавонони далери ноҳияҳои Айнӣ, Шаҳристон, Бобоҷон Ғафуров ва шаҳри Истаравшан ба хизмати Ватан гусел карда шуданд
Имрӯз дар шаҳри Душанбе ҳаво то 24 дараҷа гарм мешавад
«МегаФон Тоҷикистон» ва Лигаи футболи кӯдакону наврасон шартнома оид ба ҳамкорӣ бастанд
Дар Мянма тахмин мезананд, ки шумораи ҳалокшудагони заминларза аз 3 ҳазор нафар бештар мешавад
ПУРСИДЕД, ҶАВОБ МЕДИҲЕМ. Бақайдгирӣ ва аз қайд баровардани шаҳрванд аз ҷойи истиқомат чӣ гуна амалӣ мегардад?
Имрӯз дар водиҳои Тоҷикистон ҳаво то 23 дараҷа гарм мешавад
Теъдоди ҳалокшудагони заминларзаи Бангкок ба 20 нафар расид
Хонандагони тоҷик дар Олимпиадаи байналмилалии Infomatrix — Asia сазовори ҷойҳои намоён гардиданд
Теъдоди ҳалокшудагони заминларзаи Мянма ба 2056 нафар расид
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон ҳаво то 25 дараҷа гарм мешавад