Омӯзиши стандартҳои бонкдории исломӣ дар Бонки миллии Тоҷикистон
ДУШАНБЕ, 28.03.2017 /АМИТ «Ховар»/. Имрӯз ҳайати намояндагии Шӯрои хизматрасонии молиявии исломӣ (IFSB) ҷиҳати гузаронидани омӯзиши чоррӯза барои кормандони низоми бонкии мамлакат дар мавзӯи «Татбиқи стандартҳои IFSB оид ба кифояти сармоя барои ташкилотҳои хизматрасонии молиявии исломӣ» ба Бонки миллии Тоҷикистон ташриф овард. Дар ин бора аз Бонки миллӣ хабар доданд.
Дар семинари мазкур Лола Салимова, муовини Раиси Бонки миллии Тоҷикистон зикр намуд, ки иштироку дастгирии Шӯрои хизматрасонии молиявии исломӣ дар семинарҳои мазкур барои омӯхтани таҷрибаи хизматрасонии молиявии исломӣ ба кормандони мақомоти танзим ва назорати бахши бонкӣ, мутахассисони бонкҳо ва ташкилотҳои маблағгузории хурд мусоидат хоҳад кард.
Дар семинар ба иштирокчиён дар бораи Шӯрои хизматрасонии молиявии исломӣ маълумот дода, ҳамчунин меъёрҳои Шӯрои хизматрасонии молиявии исломӣ омӯзонида шуда, диққати мутахассисони ташкилотҳои молиявӣ баҳри татбиқи назария ба амалия ба ғояҳои асосии хизматрасонии молиявии исломӣ ҷалб карда шуданд.
Семинари мазкур асосан бо мақсади тақвияти дарку фаҳмиши мутахассисон оид ба меъёрҳои дахлдор ва принсипҳои асосие, ки барои татбиқи ҳамин меъёрҳо дар ташкилотҳои дахлдор заруранд ва мусоидат намудан дар мубодилаи таҷриба ҳангоми ҷорӣ кардани меъёрҳои дахлдори Шӯрои хизматрасонии молиявии исломӣ ва принсипҳои асосии он ташкил карда шудааст.
Иштирокдорони семинар имкон пайдо мекунанд, ки оид ба заминаи маблағгузории исломӣ ва амалиёти бонкии исломӣ, принсипҳои асосии идораи хавфҳо барои ташкилотҳои дорои хизматрасониҳои молиявии исломӣ, принсипҳои асосии низоми идорасозӣ тибқи усулҳои исломӣ ва ғайра маълумоти мукаммал ба даст оранд. Бо хотима ёфтани даври омӯзишӣ ба ҳамаи иштирокдорон, ки кормандони мақомоти танзим ва назорати бахши бонкӣ, мутахассисони бонкҳо ва ташкилотҳои маблағгузории хурд намояндагӣ мекунанд, сертификат супорида мешавад.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
