Дар Душанбе ба муносибати Соли ҷавонон силсилабарномаҳои фарҳангӣ-фароғатӣ доир мегарданд

ДУШАНБЕ, 29.03.2017. /АМИТ «Ховар»/. Бахшида ба Соли ҷавонон ва Рӯзи Ваҳдати миллӣ, Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар якҷоягӣ бо вазорату идораҳои дахлдори кишвар, мақомоти иҷроияи ҳокимияти давлатии шаҳру ноҳияҳои ҷумҳурӣ ва муассисаҳои олии таълимӣ дар боғҳои «Ирам», «Рўдакӣ», «Парчами давлатӣ», «Нишони давлатӣ» ва «Дўстӣ»-и шаҳри Душанбе ҳар ҳафта дар рўзҳои истироҳатӣ то охири сол силсилабарномаҳои фарҳангиро баҳри ғанӣ гардонидани маънавиёти сокинони пойтахт ва таъмини истироҳату саёҳати онҳо, махсусан ҷавонон баргузор менамояд. Дар ин бора Шералӣ Азимӣ, корманди Маркази матбуоти Кумитаи ҷавонон, варзиш ва сайёҳӣ ба АМИТ «Ховар» хабар дод.
Дар баробари дигар тадбирҳои фарҳангӣ-фароғатӣ, гўшаи туристӣ барои дўстдорони сайру саёҳат ва намоиши маҳсули ҳунармандони ҷумҳурӣ, аз ҷумла армуғонҳо барои сайёҳон пешниҳод карда мешаванд.
Ҳадафи аслии тадбирҳо- мусоидат намудан ба устувории рушди туризм, муаррифии имкониятҳои туризми дохилӣ, беҳтар намудани сифати хизматрасониҳо, ҷалби таваҷҷуҳи доираи васеи мардум ба соҳаи сайёҳӣ, фаъол гардонидани хатсайрҳои туристӣ, дарёфти истеъдодҳои нав, чеҳраҳои ҷавон ва ба ин васила, тақвият додани ҳисси ватандўстиву худшиносии миллӣ, бедор намудани ифтихори ватандорӣ дар ниҳоди ҷавонон арзёбӣ мегардад.

Нақшаи

баргузории барномаҳои фарҳангии шаҳру ноҳияҳои ҷумҳурӣ ва муассисаҳои

таълимӣ дар мавзеъҳои фарҳангиву фароғатии боғҳои «Ирам», «Рӯдакӣ», «Парчами давлатӣ», «Нишони давлатӣ» ва «Дӯстӣ» бахшида ба Соли ҷавонон ва Ваҳдати миллӣ дар рӯзҳои шанбе ва якшанбеи соли 2017