Сироҷидин Аслов Дабири Кулли СММ-ро ба Тоҷикистон даъват кард
ДУШАНБЕ, 22.03.2017 /АМИТ «Ховар»/. Дар Қароргоҳи Созмони Милали Муттаҳид дар шаҳри Ню-Йорк 21 март мулоқоти Вазири корҳои хориҷии Ҷумҳурии Тоҷикистон Сироҷидин Аслов бо Дабири кулли СММ Антонио Гутерриш, ки фаъолияташро аввали соли ҷорӣ оғоз кард, доир гардид. Дар ин бора ба АМИТ «Ховар» аз Вазорати корҳои хориҷии Тоҷикистон хабар доданд.
Зимни мулоқот Вазири корҳои хориҷӣ оид ба сайъю кушишҳои Тоҷикистон дар коҳиши офатҳои табиӣ дар кишвар, масъалаҳои ҳамкорӣ ва кумаки ниҳодҳои дахлдори СММ дар ин самт, мубориза алайҳи гурӯҳҳои террористӣ ва ифротгароӣ, қочоқи маводи мухаддир, масъалаи рушди иқтисодиву иҷтимоии кишвар дар партави татбиқи Ҳадафҳои Рушди Устувор, аз ҷумла муаррифии Стратегияи милли рушд то соли 2030 маълумоти муфассал пешниҳод кард.
Инчунин ҷонибҳо рӯи масъалаҳои барқарорсозии амну субот дар Афғонистон ва ҳамкориҳои минбаъда дар ин самт мубодилаи афкор анҷом доданд.
Дар робита ба татбиқи Даҳсолаи “Об барои рушди устувор, 2018-2028”, ки бо ибтикори кишвар моҳи декабри соли 2016 дар Маҷмаи Умумии СММ қабул гардида буд, мубодилаи созанда сурат гирифт ва СММ барои таҳкими ҳамкориҳо дар ин самт низ омодагии худро иброз кард.
Дар фарҷоми мулоқот Вазири корҳои хориҷӣ аз Дабири кулли СММ барои анҷоми сафар ба Тоҷикистон даъват ба амал овард.
Дар Москва қатъномаи СММ оид ба «Даҳсолаи байналмилалии таҳкими сулҳ ба хотири наслҳои оянда» муаррифӣ шуд
Дар Масқат масъалаи рушди ҳамкории Тоҷикистону Умон дар соҳаи тандурустӣ баррасӣ шуд
Рушди муносибатҳои дуҷонибаи Тоҷикистон ва Кувайт баррасӣ шуд
Идибек Қаландар дар Муколамаи сатҳи баланди сиёсӣ ва амниятии Иттиҳоди Аврупо ва Осиёи Марказӣ иштирок намуд
Сафири Тоҷикистон дар Давлати Кувайт бо Дабири кулли Муколамаи ҳамкории Осиё мулоқот намуд
Мероси Мир Сайид Алии Ҳамадонӣ дар нишасти байналмилалӣ дар Теҳрон баррасӣ гардид
Мусоҳибаи Сафири Ҷумҳурии Тоҷикистон дар Салтанати Умон Зубайдулло Зубайдзода бо рӯзномаи «Умон»
Идибек Қаландар бо муовини Дабири кулли Хадамоти амалиёти хориҷии Аврупо мулоқот намуд
Дар Теҳрон масоили рушди ҳамкории Тоҷикистон ва Эрон дар соҳаи нақлиёт баррасӣ гардид
Қоҳир Расулзода ҳамдардии амиқи Ҳукумат ва мардуми Тоҷикистонро ба давлат ва мардуми Давлати Қатар иброз намуд
Таҳкими ҳамкорӣ байни сохторҳои дахлдори иқтисодии Тоҷикистон ва Умон баррасӣ шуд
Дар Ню-Йорк натиҷаҳои Конфронси чоруми байналмилалии сатҳи баланд оид ба об дар Душанбе муаррифӣ шуданд
