Таҷлили 105-солагии «Бухорои шариф» дар Ҳисори шодмон

Март 13, 2017 10:36

«Матбуот чашму гӯши халқ, муҳимтарин рукни ҷомеаи демократӣ мебошад ва ҷомеаро аз бисёр нокомиҳо ва падидаҳои зараровар раҳо карда метавонад».

Эмомалӣ Раҳмон

ДУШАНБЕ, 13.03.2017/АМИТ «Ховар»/. 105 -солагии нашри нахустин рӯзномаи тоҷикии «Бухорои шариф», ки ҳамасола 11 март дар Ҷумҳурии Тоҷикистон ҳамчун Рӯзи матбуот таҷлил мегардад, дар шаҳри Ҳисор бо иштироки рӯзноманигорони маҳаллӣ, кормандони расонаҳои расмию мустақили кишвар ва собиқадорони матбуот бо баргузории ҷамъомади тантанавӣ дар сатҳи баланд ва пуршукӯҳ таҷлил гардид.
Шарифҷон Ҷумъазода-раиси шаҳри Ҳисор кормандони воситаҳои ахбори оммаро бо Рӯзи матбуоти тоҷик табрик намуда, доир ба ҷойгоҳи воситаҳои ахбори омма дар рушду таҳкими пояҳои давлатдории миллӣ, сулҳу ваҳдат, раванди созандагию бунёдкорӣ дар кишвар муҳим арзёбӣ намуд. Мавсуф доир ба таърихи матбуоти тоҷик, нақши кормандони расонаҳо дар ташаккули ҷомеаи дунявӣ ибрози назар намуда, таъкид кард, ки фаъолияти пурсамари воситаҳои ахбори омма, ки дар ҷомеа ба ҳайси ҳокимияти чорум пазируфта шудааст, дар ҳалли масъалаҳои мубрами ҷомеа, дигаргуниҳои ҳаёти сиёсию ҷамъиятӣ ва иқтисодию фарҳангии кишвар аз ҷойгоҳи шоиста бархӯрдор аст. Хусусан ҳар навиштаҷот ва суханони созандаю воқеъбинонаи рӯзноманигорон неруи бузургест дар ташаккули ҷомеаи мардумсолории Тоҷикистон.
Бо дахли тавсеаи робита байни мақомоти иҷроияи ҳокимияти давлатии шаҳри Ҳисор ва ВАО, Шарифҷон Ҷумъазода таъкид кард, ки: «мо ҷонибдори ҳамкории густурда бо намояндагони ВАО ҳастем, зеро ҷомеа дар симои кормандони ВАО пуштибони худро мебинад». Раиси шаҳри Ҳисор аз рӯзноманигорон даъват ба амал овард, ки бо навиштани мақолаҳои таҳлилии воқеъбинона ҷиҳати ҳалли камбудию норасоиҳое, ки дар ҷомеа вуҷуд доранд ва ба пешгирии баъзе омилҳо мусоидат менамоянд, фаъол бошанд, дар ин росто зикр кард, ки мо бояд пеш аз ҳодиса қадам гузорем. Ва мо ҷонибдори таҳияи маводи таҳлилии журналистие мебошем, ки ба ҳалли мушкилоти ҷомеа мусоидат менамоянд ва агар онҳо асоси воқеӣ дошта бошанд.
Ҳамзамон кормандони ВАО-ро Наҷмиддин Шоҳинбод, муовини раиси Иттифоқи журналистони Тоҷикистон бо иди касбӣ табрик намуда, таъкид кард, ки водии Ҳисор хазинаи журналистикаи муосири тоҷик аст, зеро аз ин водии зархез алҳол беш аз 200 нафар рӯзноманигорон дар ВАО- и кишвар дар паи иҷрои рисолати касбӣ мебошанд.
Дар охир раиси шаҳри Ҳисор иддае аз собиқадорони матбуот ва намояндагони расонаҳоро бо ифтихорномаҳо сарфароз намуд. Ҳамзамон ҳунармандони бахши фарҳанги шаҳри Ҳисор дар Рӯзи таҷлили иди матбуот барномаи рангини консертиро ҳамчун армуғони идона пешкаши аҳли қалам-кормандони ВАО гардониданд.

Март 13, 2017 10:36

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
ҚУРБИ АСЪОР: дар Тоҷикистон 1 доллари ИМА аз 10.8763 то 10.9200 сомонӣ муқаррар шудааст
Вобаста ба Даҳаи муаррифии илми академии тоҷик конференсияи илмию назариявӣ баргузор шуд
Ҷавонони далери ноҳияҳои Айнӣ, Шаҳристон, Бобоҷон Ғафуров ва шаҳри Истаравшан ба хизмати Ватан гусел карда шуданд
Имрӯз дар шаҳри Душанбе ҳаво то 24 дараҷа гарм мешавад
«МегаФон Тоҷикистон» ва Лигаи футболи кӯдакону наврасон шартнома оид ба ҳамкорӣ бастанд
Дар Мянма тахмин мезананд, ки шумораи ҳалокшудагони заминларза аз 3 ҳазор нафар бештар мешавад
ПУРСИДЕД, ҶАВОБ МЕДИҲЕМ. Бақайдгирӣ ва аз қайд баровардани шаҳрванд аз ҷойи истиқомат чӣ гуна амалӣ мегардад?
Имрӯз дар водиҳои Тоҷикистон ҳаво то 23 дараҷа гарм мешавад
Теъдоди ҳалокшудагони заминларзаи Бангкок ба 20 нафар расид
Хонандагони тоҷик дар Олимпиадаи байналмилалии Infomatrix — Asia сазовори ҷойҳои намоён гардиданд
Теъдоди ҳалокшудагони заминларзаи Мянма ба 2056 нафар расид