Ташрифи доираҳои тиҷоратию соҳибкории шаҳри Ростови соҳили Дон ба Тоҷикистон
ДУШАНБЕ, 28.03.2017/АМИТ «Ховар»/. Ҳамкориии иқтисодию тиҷоратии Тоҷикистону Россия беш аз пеш таҳким меёбад. Далели ин ташрифи доираҳои тиҷоратию соҳибкорони Ростови соҳили Дон ва шаҳри Новочеркескийи вилояти Ростови Федератсияи Россия ба Ҷумҳурии Тоҷикистон мебошад.
Интизор меравад, ки доираҳои тиҷоратии Россия ва Тоҷикистон имрӯз дар Палатаи савдо ва саноати Ҷумҳурии Тоҷикистон мулоқот намуда, роҳҳои тақвияти ҳамкории мутақобилан судманди иқтисодию тиҷоратии ду кишварро баррасӣ намоянд.
Назар ба иттилои котиби матбуоти Палатаи савдо ва саноати ҷумҳурӣ Мукаммал Одиназода, дар мулоқот доираҳои соҳибкорон масоили марбут ба рушди соҳибкорӣ, саноат, логистика, нақлиёт, кишоварзиро баррасӣ менамоянд. Интизор меравад, ки доираҳои тиҷоратию соҳибкорони шаҳри Ростови лаби Дон ва шаҳри Новочеркескийи вилояти Ростови Россия ҳамзамон бо таҷрибаи фаъолияти минтақаҳои озоди иқтисодии Тоҷикистон, корхонаҳои саноатӣ ва бахши кишоварзии Тоҷикистон шинос гардида, дурнамои роҳҳои тавсеаи ҳамкории иқтисодию тиҷоратӣ, бахусус дар самти содирот ва воридоти молу маҳсулоти саноатию кишоварзӣ ба Тоҷикистону Россияро муҳокима намоянд.
13 август дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
