Япония ба Федератсияи варзишгарони маъюби Тоҷикистон кумак мерасонад
ДУШАНБЕ, 10.03.2017 /АМИТ «Ховар»/. Имрӯз дар шаҳри Душанбе байни Сафири Фавқулода ва Мухтори Япония дар Ҷумҳурии Тоҷикистон Ҳаҷимэ Китаока ва Раиси Федератсияи варзишгарони маъюби Ҷумҳурии Тоҷикистон созишномаи грантӣ барои лоиҳаи «Беҳтар намудани лавозимоти варзишӣ-тамринӣ барои варзишгарони маъюб» ба имзо расонида шуд.
Тавре аз Сафорати Япония дар Тоҷикистон хабар доданд, маблағи умумии лоиҳа 82,929 доллари ИМА буда, тавассути кумакҳои бебозгашти фарҳангии Ҳукумати Япония ва ҳамчун қисми таркибии барномаи «SPORT FOR TOMORROW (варзиш баои фардо)» ҷудо мегардад.
Федератсияи варзишгарони маъюби Ҷумҳурии Тоҷикистон соли 1989 таъсис ёфта, мақсади аслиаш идора намудан ва рушди варзиш байни варзишгарони маъюб дар Тоҷикистон ва таъмини дастрасии оммавӣ ва маъруфияти варзиш байни одамони маъюб мебошад.
«Лоиҳаи беҳтар намудани лавозимоти варзишӣ-тамринӣ барои варзишгарони маъюб» хосса баҳри фароҳам овардани шароит барои одамони маъюб тарҳрезӣ шудааст, ки мунтазам тамрин бо аробачаҳои маъюби варзишӣ дар марафон, баскетбол, тенниси рӯи миз ва дзюдои паролимпӣ нигаронида шудааст. Тибқи лоиҳаи мазкур ба толорҳои варзишии Федератсия, воқеъ дар шаҳрҳои Душанбе, Хуҷанд, Қӯрғонтеппа ва ноҳияи Шаҳринав 8 аробача барои баскетбол, 8 аробачаи фаъол барои тенниси рӯи миз, 3 аробача барои марафон, 4-донагӣ роҳдавак, велотренажер, курсии маҳскунӣ ва 300м2 татамӣ дастрас мешаванд. Таҷхизоти мазкур барои боз ҳам беҳтар намудани фаъолияти Федератсия дар саросари кишвар мусоидат менамояд.
Тавассути барномаи «SPORT FOR TOMORROW» як қатор лоиҳаҳо дар саросари ҷаҳон амалӣ мешаванд. Барнома ба густариш ва ҳавасманд гардондани варзиш, аз ҷумла ҳаракати олимпӣ ва паролимпӣ барои одамони насли гуногун, аз ҷумла ҷавонони ояндасоз равона шудааст. Барнома дар давраи солҳои 2014-2020 амалӣ гашта, беш аз 10 миллион нафарро дар зиёда аз 100 кишвари дунё дар бар мегирад. Босамар ва бомуваффақ амалӣ намудани барномаи «SPORT FOR TOMORROW» то Бозиҳои олимпӣ ва паролимпии Токио-2020 аз шумули уҳдадориҳои Ҳукумати Япония мебошад.
13 феврал дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
