А. Азизоғлу: «Наҳзатиҳоро аз Туркия ронданд”
ДУШАНБЕ, 18.04.2017. /АМИТ “Ховар”/. Мақомоти Туркия аъзоёни созмони мамнӯи ҲНИТ-ро аз Ҷумҳурии Туркия бадарға намуданд. Дар ин бора хабарнигори АМИТ “Ховар” бо истинод ба корманди Вазорати корҳои дохилии Туркия Алӣ Азизоғлу хабар дод.
Мақомоти Туркия таърих, фаъолият ва сохтори ҲНИТ-ро омӯхта, ба хулосае омаданд, ки ҲНИТ воқеан ҳам ба Ҷумҳурии Туркия хатари ҷиддӣ дошта, аз “созмони террористии Фатҳуллоҳ Гюлен фарқе надорад”. Ҳамчунин ӯ зикр намуд, ки ҳукумати Ҷумҳурии Туркия ҳама гуна табаддулот ва амалҳои террористиро маҳкум менамояд.
Ҷумҳурии Туркия 15 июли соли 2016 табаддулоти нокоми давлатиро аз сар гузаронид. Бо ин сабаб ҳукумати ин мамлакат ниятҳои аслӣ ва нопоки чунин созмонҳоро хуб дарк менамояд ва ҷиҳати пешгирии амалҳои террористии аъзои ҲНИТ дар қаламрави Туркия ҳамаи онҳоро аз Ҷумҳурии Туркия берун сохтааст.
Маъмури Вазорати корҳои дохилии Туркия зикр намуд, ки мақомоти онҳо дастур гирифтаанд, ки тарафдорони ҲНИТ-ро дар қаламрави Туркия дубора роҳ надиҳанд.
Гузашта аз ин, корманди Вазорати умури дохилаи Туркия чунин иброз дошт: “Бино ба пешниҳоди ҷониби Туркия Ҳукумати Ҷумҳурии Тоҷикистон фаъолияти муассисаҳои таълимии марбут ба созмони террористии Фатҳуллоҳ Гюленро бастанд. Ҷумҳурии Туркия низ барои рушди муносибаҳо дар самти мубориза бар зидди терроризм аъзои созмони террористии ҲНИТ-ро аз ҳудуди Туркия хориҷ намуданд”. Ба гуфти ҳамсуҳбати хабарнигори мо, мақомоти низомии кишвараш дигарбора террористони наҳзатиро дар Туркия қабул намекунанд.
Хотиррасон менамоем, ки қаблан Сарвазири Туркия Бинамӣ Йилдирим дар суҳбат бо хабарнигори агентии “Рейтер” изҳор дошта буд, ки мақомоти кишвараш қаламрави Туркия ва сарҳадоти онро аз ҳама гуна гурӯҳҳои террористӣ тоза хоҳанд кард.
Ҷамшед НАЗАРОВ
Имрӯз дар баъзе минтақаҳои Тоҷикистон чангу ғубор ба амал меояд
Дар Суди конститутсионӣ Рӯзи Парчами давлатӣ таҷлил гардид
Президенти Академияи миллии илмҳои Тоҷикистон ноиби президент ва академики Академияи илмҳои Осиё интихоб гардид
Алоқа барои сохтмон: чӣ тавр имконоти мобилӣ дар бунёди иншоот дар саросари Тоҷикистон кумак менамояд?
Имрӯз дар водиҳои Тоҷикистон ҳаво то 21 дараҷа гарм мешавад
ПАРЧАМИ МО ХУД САРИ БОЛОИ МОСТ! Дар шаҳру ноҳияҳои вилояти Суғд Рӯзи Парчами давлатӣ бошукуҳ таҷлил гардид
«ПАРЧАМАТ БОДО ПАРАФШОН, ТОҶИКИСТОНИ АЗИЗ!». Таҳти ин унвон дар Лахш ҳамоиши идона доир шуд
Дар Агентии суғуртаи иҷтимоӣ ва нафақа Рӯзи Парчами Тоҷикистонро ботантана ҷашн гирифтанд
Дар Москва Рӯзи Парчами давлатии Ҷумҳурии Тоҷикистон таҷлил гардид
Биогаз дар минтақаҳои деҳот: роҳи ҳал ё таҷрибаи муваққатӣ барои Тоҷикистон?
ZET-MOBILE натиҷаҳои давравии иқдоми «Миллионро гир» -ро барои моҳи октябр эълон намуд
Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Парчами давлатиро бошукуҳ таҷлил намуданд
