«Қалами найшакарӣ»-и Назри Яздон дар Хуҷанд ба нашр расид
![](https://khovar.tj/wp-content/uploads/2017/04/Kalami-najshakar.jpg)
ДУШАНБЕ, 08.04.2017. /АМИТ «Ховар»/. Нашриёти «Хуросон»-и шаҳри Хуҷанд китоби Шоири халқии Тоҷикистон Назри Яздонро бо номи «Қалами найшакарӣ» дар шакли хеле зебо аз чоп баровард. Дар ин бора аз Китобхонаи миллии Тоҷикистон хабар доданд.
Ба иттилои манбаъ, то ба имрӯз ашъори шоир ва донишманди тоҷик Назри Яздон дар китобҳои «Меҳрубон», «Тоҷикистон беҳтар аз ҷон», «Нурборон», «Дилнигора», «Нурполо» ва дигар маҷмӯаҳои дастҷамъӣ чоп шудаанд. «Қалами найшакарӣ» китоби навбатии ашъори ӯ буда, дар он шеърҳои нави шоир ҷой дода шудаанд.
Ашъори Назри Яздон тараннумгари Ватану ватандорӣ, ишқу муҳаббат, меҳру садоқат ва дигар арзишҳои неки инсонӣ буда, хонандаро ба дунёи рангоранги зиндагӣ ва дӯст доштани ватану модар ҳидоят мекунанд.