Ҳамоиш дар Академияи ВАО бо иштироки намояндагони ширкатҳои «SONY», «VIZRT» ва «ICSC»
ДУШАНБЕ, 21.04.2017 /АМИТ «Ховар»/. Бо иштироки намояндагони ширкатҳои бонуфузи «SONY», «VIZRT» ва «ICSC» дар Муассисаи давлатии «Академияи ВАО-и Тоҷикистон» барои кормандони бахшҳои техникии шабакаҳои телевизионӣ ва радиоии кишвар ҳамоиш баргузор гардид.
Зимни ҳамоиш намояндагони ширкатҳои мазкур роҳбарону ҳайати техникии радиою телевизионро бо технологияҳои муосири бахши телевизион ва радио шинос карданд. Вячеслав Кмочнико, намояндаи ширкати «SONY», яке аз истеҳсолкунандагони дар ҷаҳон пешсафи таҷҳизоти муосири телевизионӣ, ба иштирокчиёни чорабинӣ дар бораи дастовардҳои навтарини ширкат сухан гуфта, технологияҳои ҷадидро, ки бевосита ба соҳаи телевизиону радио ва кинематография марбутанд, муаррифӣ кард. Ҳамзамон Алексей Исаев, намояндаи ширкати «VIZRT», ки истеҳсолкунандаи дастгоҳи ЗD графика ва Real Time мебошад, таҷҳизоти ин ширкати машҳурро муаррифӣ намуд.
Сабоҳат Мамадасанова, сардори шуъбаи нашри Академияи ВАО-и Тоҷикистон ба АМИТ «Ховар» иттилоъ дод, ки ҳамзамон намояндагони ширкатҳои бонуфузи «SONY», «VIZRT» ва «ICSC» барои кормандони фаннии шабакаҳои телевизионии Тоҷикистон курси махсус оид ба истифодаи босамар аз технологияҳои навтарини технологӣ ҷиҳати беҳтар намудани сифати пахши барномаҳоро гузарониданд.
Бояд тазаккур дод, ки Муассисаи давлатии «Академияи ВАО-и Тоҷикистон» соле қабл таъсис ёфта, рисолаташ бозомӯзии кормандони соҳаи ВАО мебошад.
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
Дар вилояти Хатлон иқдоми ҳизбии «Ҳеҷ кас ва ҳеҷ чиз фаромӯш нашудааст» баргузор гардид
Масъалаҳои ташаккул ва рушди иқтисодиёти «сабз» дар шароити саноатикунонӣ баррасӣ карда шуданд
МАСЛИҲАТИ МУТАХАССИС. Бодиринг аз витаминҳои C ва K, минералҳои калий, магний ва антиоксидантҳо бой мебошад
Имрӯз дар баъзе ноҳияҳои Тоҷикистон борони кӯтоҳмуддат дар назар аст
