Азим Иброҳим, муовини Сарвазири Тоҷикистон: «Сафеддара» — намунае аз мавзеъҳои нотакрори Тоҷикистон аст»
ДУШАНБЕ, 28.04.2017. /АМИТ «Ховар»/. Чанде қабл таҳти роҳбарии муовини Сарвазири Ҷумҳурии Тоҷикистон Азим Иброҳим дар Саридораи геологияи назди Ҳукумати Ҷумҳурии Тоҷикистон бо иштироки мутахассисони идораю муассисаҳои гуногуни кишвар ҷиҳати дар сатҳи тахассусӣ омода намудани мавзеъҳои нодири мамлакат барои бунёди биноҳои бисёрошёна, иншооти хизматрасон ва ташкили инфрасохтори ҷавобгўй ба меъёрҳои байналмилалӣ ҷаласаи корӣ баргузор гардид.
Муовини Сарвазир иброз дошт, ки мавзеъҳои нодири кишварамон барои сайёҳон ва меҳмонони хориҷӣ ҳуҷҷати муаррификунандаи кишвар дар хориҷаи дуру наздик ба шумор мераванд. Вобаста ба ин корҳои топографию тадқиқотӣ, муҳандисию геологӣ ва лоиҳакашӣ бояд аз нигоҳи тахассусӣ тавре анҷом дода шаванд, ки кафолати устувории иншоотҳои бунёдшаванда барои садсолаҳо таъмин карда шавад.
Аслан ҳодисаҳои табиӣ бо душворӣ пешгўӣ мешаванд ва пешгирии онҳо баъзан ҳатто имконнопазир аст, аммо бомаҳорат гузаронидани корҳои муҳандисию геологӣ, дақиқ сохтани таркиби ҷинсҳои куҳӣ, дуруст баҳогузорӣ кардани тавозуни обҳои зеризаминӣ ва дигар ташхисҳои соҳавӣ метавонанд умри биноҳои бунёдшавандаро дароз гардонанд.
Мавзеи Сафеддара аз нодиртарин мавзеъҳои кишварамон мебошад, ки дар иншоотҳои он ташкили дурусти инфрасохтор, хизматрасонӣ ва шароити муносиби ҷавобгўй ба меъёрҳои байналмилалӣ пешбинӣ гардидааст. Феълан ин мавзеи нодири табиӣ мавриди таваҷҷуҳи сайёҳону меҳмонони дохилу хориҷи кишвар гардидааст ва ояндаи нек низ дорад.
Муовини Сарвазир тасдиқ намуд, ки шароити муҳандисӣ -геологии мавзеъ нисбатан мураккаб аст. Обҳои зеризаминии ин мавзеъ дар жарфи на он қадар калон ҷойгир мебошанд, ҳамчунин ярчи қадима имкони вуҷуд дорад ва ин омил гузаронидани маҷмўи корҳои иловагии муҳандисию геологиро талаб мекунад. Бинобар ин, чунин мавзеъҳои нодири кишвар бояд ҳаматарафа ва дақиқ аз ҷониби сохтору мутахассисони ҳирфаии кишвар омўхта шаванд ва барои тӯлонӣ гардонидани муддати истифодабарии онҳо пешниҳодҳои дақиқ таҳия гарданд.
Вобаста ба таъмини сифати корҳои лоиҳакашию муҳандисӣ ва назорати ҷараёни сохтмону бунёди иншоот дар мавзеъҳои нодири кишвар аз ҷониби муовини Сарвазир ба сохторҳои дахлдор супоришҳои мушаххас дода шуд .
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
