Ба 8 ҳазор нафар сокинони Хатлон моҳияти авфи муҳоҷирони меҳнатӣ фаҳмонида шуд
ДУШАНБЕ, 13.04.2017 /АМИТ «Ховар»/. Гурӯҳи кории Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон, ки бо мақсади шарҳ додани моҳияти авфи муҳоҷирони меҳнатӣ, ки аз ҷониби Федератсияи Россия эълон шудааст, аз минтақаи Қурғонтеппа баргашт. Дар ин бора аз Хадамоти мазкур хабар доданд.
Аъзои гурӯҳи корӣ аз 4 то 12 апрел дар шаҳру ноҳияҳои Сарбанд, Панҷ, Ҷайҳун, Дӯстӣ, Қубодиён, Хуросон, А.Ҷомӣ, Бохтар, Шаҳритуз, Қурғонтеппа, Н. Хисрав ва Ҷ.Балхӣ 44 вохӯрӣ ва суҳбатҳо гузарониданд. Зимни суҳбатҳо ба зиёда аз 8 ҳазор нафар сокинони минтақаи Қурғонтеппаи вилояти Хатлон моҳияти авфи мазкур баён карда шуд.
Мақсад аз ташкили чунин гурӯҳҳои корӣ- пурзӯр намудани корҳои иттилоотӣ ва фаҳмондадиҳӣ аз тарафи шуъбаву бахшҳо дар ҷамоатҳои сераҳолӣ мебошад. Кормандони Хадамот ҳангоми вохӯрӣ бо сокинони шаҳру ноҳияҳо ба онҳо тавсия доданд, ки моҳи апрел пеш аз сафар барои муайян намудани ҳолати кор ба сохторҳои Хадамоти муҳоҷират муроҷиат намоянд.
Бояд ёдовар шуд, ки тибқи қарори Вазорати корҳои дохилии Федератсияи Россия дар муҳлати як моҳ- аз 25 март то 24 апрели соли 2017 дар тамоми қаламрави Федератсияи Россия барои шаҳрвандони Ҷумҳурии Тоҷикистон ҷиҳати расмикунонии истиқомат тавассути бақайдгузорӣ дар мақомоти муҳоҷират ва тамдиди муҳлати будубош имконият дода шуд.
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
