Барои аз тармаву сел ва кӯҳпораҳо пок кардани роҳҳои автомобилии ВМКБ қариб якуним миллион сомонӣ сарф шудааст

Апрель 28, 2017 11:02

ХОРУҒ, 28.04.2017. /АМИТ «Ховар»/. Бар асари боришоти чанд рӯзи охир роҳҳои мошингарди Вилояти Мухтори Кӯҳистони Бадахшон    хароб шуданд ва барои мусофирону ронандагон ҳар сари чанд вақт монеа эҷод мекунанд. Ба иттилои хабарнигори минтақавии АМИТ «Ховар», раиси ВМКБ  Шодихон Ҷамшед зимни як ҷаласаи фаврӣ ба масъулини корхонаи «Бадахшонроҳсоз» ва хадамот дар танзими роҳ супориш дод, ки техникаву механизмҳои худро ҳамеша дар ҳолати хуб нигоҳ доранд ва агар имкон бошад, пешакӣ ба  мавзеъҳои хатарнок интиқол диҳанд. Кӯшиш намоянд, ки роҳбандӣ ба дарозо кашида нашавад, зеро дар миёни мусофирон кӯдакону занон, пирону маризон ҳастанд ва онҳо набояд ба сабаби кашолкории мо азоб кашанд.

Раиси вилоят Шодихон Ҷамшед аз масъулини Ситоди ҳолатҳои фавқулода  ва Муассисаи давлатии нигоҳдории роҳҳо даъват кард, ки миқдори муайяни моддаҳои таркандаро ба мақсади таркондани кӯпораҳо захира намоянд. «Бино ба иттилои мутахассисони обуҳавосанҷӣ, эҳтимоли боридани борон то охири моҳи апрел вуҷуд дорад. Аз эҳтимол дур нест, ки боз бо ҳодисаҳои сангчарху афтодани кӯпораҳо рӯ ба рӯ шавем. Аз ин рӯ бо истифода аз ин рӯзҳои офтобӣ техникаву механизмҳои роҳсозиро бори дигар санҷида, таъмир намудан зарур аст»,-гуфт раиси вилоят.

Ба иттилои манбаъ, барои аз тармаву сел ва кӯҳпораҳо пок кардани роҳҳои автомобилии ВМКБ наздик ба якуним миллион сомонӣ маблағи иловагӣ масраф шудааст.

 

Апрель 28, 2017 11:02

Хабарҳои дигари ин бахш

Имрӯз дар Тоҷикистон ҳаво то 35 дараҷа гарм мешавад
Ҳасани Чупонӣ: «Президенти Тоҷикистон тавонист ҷомеаи ҷаҳониро барои ҳалли мушкилоти глобалӣ ҷамъ оварад»
Мавзеъҳои зебои Тоҷикистон дар ҳамоиши байналмилалии «Чин-Осиёи Марказӣ» муаррифӣ карда мешаванд
Дар ҷаласаи Шурои ҷамъиятии Ҷумҳурии Тоҷикистон татбиқи «Бистсолаи омӯзиш ва рушди фанҳои табиатшиносӣ, дақиқ ва риёзӣ» баррасӣ шуд
Имрӯз дар шаҳри Душанбе ҳаво то 29 дараҷа гарм мешавад
ТАҚВИМИ АМИТ «ХОВАР»: имрӯз 31 май, шанбе, 151-умин рӯзи соли 2025 аст
Дар Донишкадаи саноат ва хизматрасонӣ оид ба рушди иқтисоди рақамӣ ва инноватсия ҳамоиш доир шуд
Имрӯз дар баъзе ноҳияҳои Тоҷикистон борони кӯтоҳмуддат меборад
Истгоҳи «Ваҳдат»-и Роҳи оҳани Тоҷикистон баъд аз навсозии пурра ба истифода дода шуд
«Саёҳати бузург тавассути Осиёи Марказӣ». Сафари иттилоотии намояндагони ВАО-и Чин ва Осиёи Марказӣ дар Тоҷикистон оғоз шуд
Кирмакпарварони шаҳри Турсунзода зиёда аз 3 тоннаю 800 килограмм пиллаи хушсифат истеҳсол намудаанд
Дар ҷаласаи Шурои роҳбарони мақомоти гумрук дурнамои Созмони ҳамкории иқтисодӣ рӯнамоӣ гардид