Дар Душанбе интиқоли оби нӯшокӣ аз истгоҳи обтаъминкунии «Худҷореъ» муваққатан қатъ мегардад

ДУШАНБЕ, 17.03.2017 /АМИТ «Ховар»/. Бо мақсади пайваст намудани қубурҳои обполакҳои сохташудаистодаи зудамали регӣ дар истгоҳи обтаъминкунии «Худҷореъ» қарори Раиси шаҳри Душанбе Рустами Эмомалӣ аз 17 апрели соли 2017 «Дар бораи муваққатан қатъ намудани интиқоли оби нӯшокӣ аз истгоҳи обтаъминкунии «Худҷореъ» ба тасвиб расид.
Тавре аз Раёсати иттилоотӣ ва робитаҳои хориҷии дастгоҳи Раиси шаҳри Душанбе хабар доданд, тибқи қарори мазкур дар ҷараёни иҷрои корҳои пайваст намудани қубурҳо интиқоли оби нӯшокӣ дар ҳудуди ноҳияи Исмоили Сомонӣ, дар маҳаллаҳои А.Соатов, Амиршоев, Заҳматобод, Саҳбо, Қ. Раҳимов, Анзоб, Гулистон, Зайнаб-бибӣ, У.Хайём ва Сари-Осиё, кӯчаҳои П.Толис, Гагарин, Сурхоб, Меҳнат, Карамов, хиёбони Рӯдакӣ (аз буриши кӯчаи У.Хайём то кӯчаи С.Ғанӣ), инчунин Боғи С.Айнӣ ва дар ноҳияи Шоҳмансур дар маҳаллаҳои Н.Муҳаммад, Қӯрған, Хоруғ, Баҳорӣ ва Бадахшон №1,2, кӯчаҳои Дӯстии халқҳо, А.Дониш, Истаравшан, Ҳусейнзода, Назриқулов, А.Раҷабовҳо ва С.Айнӣ аз хонаи №1 то №77 аз соати 22:00 рӯзи 17 то соати 22:00 рӯзи 18 апрели соли 2017 қатъ мегардад.
Аз сокинони маҳаллаю кӯчаҳои мазкур хоҳиш карда мешавад, ки миқдори зарурии оби нӯшокиро барои як шабонарӯз захира намоянд.