Хазинадори шуъбаи муҳосибаи беморхонаи марказии ноҳияи Панҷ боздошт гардид
ДУШАНБЕ, 28.04.2017 /АМИТ «Ховар/. Кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар Беморхонаи марказии ноҳияи Панҷ тасарруфи маблағҳоро ошкор намуданд.
Тавре ба АМИТ «Ховар» аз маркази матбуоти агентии мазкур хабар доданд, бо гумони даст доштан дар ин ҷиноят Ашраф Зардаков, хазинадори шуъбаи муҳосибаи беморхонаи марказии ноҳияи Панҷ боздошт гардид. Номбурда ба ҳайси хазинадор дар беморхона кор карда, дар давраи фаъолияти кориаш аз ҳисоби хизматрасонии пулакӣ дар шуъбаи дил, ҷарроҳӣ ва таваллудхонаи беморхонаи мазкур аз январи соли 2015 то январи соли 2017 аз ҳисоби 107 нафар беморони бистаришудаи шуъбаи мазкур зиёда аз 30 ҳазор сомониро ба хазинаи беморхона ба даромад нагирифта, бо роҳи азонихудкунӣ тасарруф намудааст.
Ҳамчунин номбурда дар давоми моҳи январи соли 2014 то моҳи феврали соли 2015 пардохти варақаҳои корношоямиро ҳисоб карда, бо роҳи тартиб додани ҳуҷҷатҳои қалбакӣ оид ба пардохти варақаҳои корношоямӣ ба номи 11 нафар кормандони беморхонаи марказии ноҳияи Панҷ дар 12 ҳолат маблағи умумии 92 ҳазор сомониро ба кормандон пардохт накарда, маблағи мазкурро аз худ карда, ба манфиати шахсиаш сарф намудааст.
Вобаста ба ҳолати мазкур нисбат ба Ашраф Зардаков бо моддаи 245 қисми 3 банди «а» ва 323 КҶ Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.
Президенти Ҷумҳурии Тоҷикистон Эмомалӣ Раҳмон ба Кантслери федералии Ҷумҳурии Федеративии Олмон Фридрих Мерс барқияи табрикӣ ирсол намуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
Дар вилояти Хатлон иқдоми ҳизбии «Ҳеҷ кас ва ҳеҷ чиз фаромӯш нашудааст» баргузор гардид
