«Ин Ватанро мо ҷавонон сабзу хуррам мекунем!»-ҳашар дар дастгоҳи Маҷлиси намояндагон

Апрель 15, 2017 13:25

ДУШАНБЕ, 15.03.2017 /АМИТ «Ховар»/. Тибқи нақшаи чорабиниҳои дастгоҳи Маҷлиси намояндагони Маҷлиси Олии Ҷумҳурии Тоҷикистон бо мақсади беҳдошти фазои экологӣ ва ба роҳ мондани корҳои ободонӣ дар доираи ҷашнгирии Рӯзи пойтахт дар Парлумони касбии мамлакат шанбегӣ таҳти унвони «Ин Ватанро мо ҷавонон сабзу хуррам мекунем!» гузаронида шуд, ки дар он беш аз 100 нафар иштирок намуданд.
Муҳаммадато Султонов, котиби матбуотии Маҷлиси намояндагон дар ин бора хабар дода, зикр кард, ки ҳадафи ҳашар- тақвияти ҳисси ватандӯстиву худшиносӣ, ифтихори ватандорӣ ва тарбияи чавонон дар рӯҳияи инсондӯстиву якдилӣ ва таҳкими сулҳу ваҳдати миллӣ мебошад.
Абдуҷаббор Азизӣ, муовини аввали Раиси Маҷлиси намояндагони Маҷлиси Олии Ҷумҳурии Тоҷикистон зикр кард, ки ин иқдом идомаи анъанаҳои наҷиби ниёгонамон бобати беҳдошти муҳити зист, тоза нигоҳ доштани атроф, пайравӣ ва саҳмгузорӣ дар амали хайр ва пос доштани анъанаҳои наҷиби гузаштагонамон мебошад.
«Хушҳолам аз он, ки ҷавонони имрӯза бо рӯҳияи болида ва шукргузорӣ аз сиёсати пешгирифтаи хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамаҷониба дастгирӣ намуда, ҳама аз як гиребон сар бароварда, барои тоза нигоҳ доштани муҳити экологии кишварамон камари ҳиммат бастаанд», — афзуд Абдуҷаббор Азизӣ.
Иштирокдорони ҳашар зиёда аз 20 бех ниҳолҳои нав шинонида, бехи дарахтони мевадиҳандаро нарм карда, ҷӯйбор ва атрофи биноро тоза карданд.

Апрель 15, 2017 13:25

Хабарҳои дигари ин бахш

Ба муносибати Рӯзи умумиҷаҳонии ҳифзи муҳити зист дар Ҳисор аксияҳо гузаронида шуданд
Ба сокинони ноҳияи Шаҳринав 272 ҷойи кор пешниҳод карда шуд
Доир ба мавзуи навсозии сиёсати иҷтимоӣ дар Тоҷикистон конференсияи байналмилалӣ баргузор шуд
Лукас Эринсон аз Канада: «Дар Тоҷикистон дар як рӯз чор фасли солро мушоҳида намудам»
Дар Мактаб-интернати ҷумҳуриявии кӯдакони ношунавои ноҳияи Рӯдакӣ ҳамоиш доир шуд
Академияи идоракунии давлатии Тоҷикистон ва Академияи таърихи Чин робитаҳои илмӣ ва фарҳангиро густариш медиҳанд
Имрӯз дар Тоҷикистон ҳаво то 35 дараҷа гарм мешавад
Ҳасани Чупонӣ: «Президенти Тоҷикистон тавонист ҷомеаи ҷаҳониро барои ҳалли мушкилоти глобалӣ ҷамъ оварад»
Мавзеъҳои зебои Тоҷикистон дар ҳамоиши байналмилалии «Чин-Осиёи Марказӣ» муаррифӣ карда мешаванд
Дар ҷаласаи Шурои ҷамъиятии Ҷумҳурии Тоҷикистон татбиқи «Бистсолаи омӯзиш ва рушди фанҳои табиатшиносӣ, дақиқ ва риёзӣ» баррасӣ шуд
Имрӯз дар шаҳри Душанбе ҳаво то 29 дараҷа гарм мешавад
ТАҚВИМИ АМИТ «ХОВАР»: имрӯз 31 май, шанбе, 151-умин рӯзи соли 2025 аст