Натиҷаи фаъолияти нақлиёти мусофиркашонии пойтахт дар 3 моҳи аввали соли равон ҷамъбаст гардид

Апрель 24, 2017 19:20

ДУШАНБЕ, 24.04.2017 /АМИТ «Ховар»/. Имрӯз дар Мақомоти иҷроияи ҳокимияти давлатии шаҳри Душанбе  бо иштироки  Қурбон Саидзода, муовини Раиси шаҳри Душанбе ва масъулони соҳа оид ба натиҷаи ҷамъбасти фаъолияти     нақлиёти мусофиркашонии пойтахт  дар семоҳаи аввали соли равон   нишасти матбуотӣ  доир гардид.

Дар нишаст Қурбон Саидзода, муовини Раиси шаҳри Душанбе зикр кард, ки Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни вохӯрӣ бо  фаъолон ва  роҳбарияти шаҳри Душанбе, ки 15 феврали соли равон доир гардида буд,  ҷиҳати беҳтар ба роҳ мондани фаъолият ва сатҳи хизматрасонии нақлиёти ҷамъиятӣ, таъмини тартибу низом ва аз байн бурдани танбашавӣ дар роҳҳои пойтахт,  баланд бардоштани сатҳи фарҳанги хизматрасонӣ дар нақлиёти ҷамъиятӣ дастуру супоришҳои мушаххас дода буданд.

Бо ин мақсад Мақомоти иҷроияи ҳокимияти давлатии шаҳри Душанбе ҷиҳати беҳбудӣ бахшидан ба соҳаи мазкур тадбирҳои зарурӣ андешида,  танзими ҳаракати нақлиёти мусофиркаш ва хизматрасонии босифат ба аҳолиро аз масъалаҳои ҳаётан муҳими соҳаи хоҷагидории пойтахт қарор додааст.

«Дар  3  моҳи соли 2017  дар  соҳаи  хизаматрасонӣ ба мусофирон як қатор дигаргуниҳо ба амал омад. Аз ҷумла   ҷиҳати хизматрасонии беҳтар ба мусофирон  дар якчанд хатсайрҳои пойтахт   тағйирот ба амал омада, шабакаҳои дохилишаҳрӣ такмил ёфтанд. Дар ин давра  фаъолияти  7 адад  Ҷамъиятҳои дорои масъулияташон маҳдуд, ки ба  мусофиркашонӣ машғул буданд,   бинобар ҷавобӯ набудани  хизматрасониашон ба мусофирон боз дошта шуд.

Дар ин давра  тавассути  воситаҳои нақлиёти мусофирбари  шаҳри Душанбе    42 миллион мусофир кашонида шуда, зиёда аз 3000 адад нақлиёти мусофиркаш, аз ҷумла 300 адад автобус, 70 адад троллейбус,  2000  адад нақлиёти мусофиркашонии хурдҳаҷми тамғаи «Старекс»,  «Меrsedes Sprinter»  ва ғайраҳо ба сокинон ва меҳмонони пойтахт хизмат расониданд»,- афзуд Қурбон Саидзода.

Автобусы ДушанбеДар нишаст ҳамчунин таъкид гардид, ки  баъди   мавриди истифода қарор гирифтани   40 адад автобусҳои нави  мусофиркашии  тамғаи «ISUZU»   дар хатсайри №1 ва №3 дар пойтахт   сатҳу сифати хизматрасонӣ ба мусофирон беҳтар гардида, дар моҳи июли соли равон      ворид намудани   боз 24 адад автобусҳои мусофиркаши тамғаи мазкур дар назар аст, ки он барои  қонеъ намудани талаботи  мусофирон  ва ҳаракати мунтазами нақлиёти мусофиркаш  дар ҳамаи хатсайрҳо   мусоидат менамояд.

Фосилаи ҳаракати байни  автобусҳои нави мусофиркашонӣ дар хатсайрҳои №1 ва №3  ва дигар хатсайрҳо дар соатҳои  пурҳаракат 3 дақиқа ва дигар вақтҳо 5 дақиқаро ташкил медиҳанд, -иброз дошт Қурбон Саидзода ва афзуд, ки автобусҳои мусофиркаше, ки қаблан дар хатсайрҳои мазкур мавриди истифода қарор доштанд, барои пурра гардонидани  нақлиёти мусофиркаш дар хатсайрҳо №18 ва №8   интиқол дода шуданд.

Номбурда ҳамчунин таъкид намуд, ки   дар айни ҳол рушди дурнамои соҳа таҳия гардида истодааст, ки он  барои беҳтар гардидани ҳаракати нақлиёти мусофиркаш  ва ба стандартҳои ҷаҳонӣ мутобиқ гардонидани  он дар пойтахт  нигаронида шудааст.

Дар нишаст  ҳамчунин зикр гардид, ки мусофирон низ дар навбати худ бояд барои тозаву озода нигоҳ доштани нақлиёти мусофиркаш масъулияти баландро  эҳсос намоянд.

 

                                                                      Рухсораи  НУР

Апрель 24, 2017 19:20

Хабарҳои дигари ин бахш

«RED BUS TOURS». Дар Душанбе мавсими хатсайрҳои сайёҳии дохилишаҳрӣ оғоз мегардад
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ дар ноҳияи Сино супорида шуд
Дар Душанбе ба пешвози меҳмонон-иштирокдорони Конфронси байналмилалии сатҳи баланд оид ба ҳифзи пиряхҳо омодагӣ мегиранд
Бо қарори Раиси шаҳри Душанбе Рӯзи ҷавонони Тоҷикистон дар сатҳи баланд таҷлил мегардад
Бо Қарори Раиси шаҳри Душанбе ба иштирокчиёни Ҷанги дуюми ҷаҳонӣ кумакҳои пулӣ расонида мешаванд
Дар Душанбе барои занону духтарон аз оилаҳои ниёзманд даври омӯзишии «Бонуи ҳунар» оғоз ёфт
Барои ташкили ғайриқонунии нуқтаи савдо нисбат ба 13 шаҳрванд санади маъмурӣ тартиб дода шуд
Боғи фарҳангию фароғатии «Аҳмади Дониш»-и шаҳри Душанбе беҳтарин боғ дар соли 2025 дониста шуд
Дар Душанбе даври ҷумҳуриявии озмуни «Сайри гули лола» баргузор мегардад
Имрӯз дар «Кохи Суруш»- и шаҳри Душанбе Рӯзи пойтахти Ҷумҳурии Тоҷикистон таҷлил карда шуд
ДУШАНБЕ-ШАҲРИ КӮДАКОНИ ХУШБАХТ! Дар пойтахт сохтмони 56 муассисаи таҳсилоти томактабӣ идома дорад
ДУШАНБЕ-ШАҲРИ РАВАНДСОЗ. Ин равандҳо фарогири доираи васеи кишварҳо аз чор қитъаи олам- Осиё, Аврупо, Африқо ва Амрико мебошад