Оқибати қонуншиканӣ. Соҳибкоре, ки бе назорати гумрукӣ ба Тоҷикистон мол ворид кард, дастгир шуд
ДУШАНБЕ, 18.04.2017 /АМИТ «Ховар»/. Зимни гузаронидани амалиёти гумрукӣ аз тарафи кормандони Раёсати минтақавии гумрукӣ дар вилояти Суғд, дар ҳудуди анбори ҶДММ «Ҷоми Ҷам» -и шаҳри Бӯстон ду адад воситаи нақлиёти тамғаи «Зил», қайди рақами давлатиашон 01 39 ЕЕ 02 ва 17 40 СН 02, ки таҳти идораи шаҳрвандони Ҷумҳурии Тоҷикистон Б.В. ва Ғ.А. қарор доштанд, барои муоинаи гумрукӣ боздошт гардиданд.
Тавре аз Маркази матбуоти Хадамоти гумруки назди Ҳукумати Ҷумҳурии Тоҷикистон хабар доданд, зимни гузаронидани муоинаи гумрукӣ муайян карда шуд, ки дар бордони воситаҳои нақлиёти мазкур ба миқдори 11 ҳазор килограмм моҳии яхкардашудаи намуди «Минтай» — и истеҳсоли Федератсияи Россия мавҷуд аст, ки онҳо мехостанд ин миқдор маҳсулотро дар анбор ҷойгир намоянд.
Маҳсулоти зикршуда ба шаҳрванди Ҷумҳурии Тоҷикистон Р.А., соли таваллудаш 1990, сокини ноҳияи Бобоҷон Ғафуров, ҷамоати деҳоти Ёва, тааллуқ дошта, номбурда ин миқдор молро аз деҳаи Борбодуқи Ҷумҳурии Қирғизистон ба ҳудуди Ҷумҳурии Тоҷикистон бидуни назорати гумрукӣ интиқол додааст.
Тибқи хулосаи Филиали суғдии Маркази ҷумҳуриявии ташхисҳои судӣ ва криминалистии Вазорати адлияи Ҷумҳурии Тоҷикистон арзиши умумии моҳии боздоштшуда дар маҷмӯъ 170 ҳазору 500 сомониро ташкил медиҳад.
Доир ба ҳолати мазкур нисбат ба шаҳрванд Р. А. бо моддаи 289 қисми 2 — и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, аз рӯи тобеияти тафтишотӣ ба Прокуратураи вилояти Суғд ирсол гардид.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
