Сомон Маҳмадбеков, варзишгари тоҷик дар Ҷоми Африқо оид ба дзюдо миёни наврасон медали тилло ба даст овард!
ДУШАНБЕ, 25.04.2017. /АМИТ «Ховар»/. Сомон Маҳмадбеков, варзишгари тоҷик дар Ҷоми Африқо оид ба дзюдо миёни наврасон дар Тунис (Tunis Cadets African Cup 2017) медали тилло ба даст овард.
Дар ин бора Эргаш Маҳмадбеков, мураббии Сомон Маҳмадбеков ба хабарнигори АМИТ «Ховар» хабар дод.
Дар ин мусобиқаи кушод, ки 22-23 апрел баргузор шуд, Сомон дар рақобатҳо дар вазни зери 66 килограмм бар рақибонаш аз Алҷазоир, Беларус ва Тунис ғалаба кард.
Сомон Маҳмадбеков варзишгари тоҷики муқими Русия буда, феълан дар шаҳри Иркутск таҳти раҳбарии мураббиёнаш Эргаш ва Фотеҳ Маҳмадбековҳо тамрин менамояд. Ӯ дар мусобиқоти байналмилалӣ Тоҷикистонро намояндагӣ мекунад. Ба шарофати пирӯзии Сомон дар Ҷоми Африқо дар Тунис парчами давлатии Тоҷикистон барафрохта, суруди миллии кишвар танинандоз шуд. Дар ин мусобиқа боз як намояндаи Тоҷикистон- Абдуллоҳ Неъматов дар вазни зери 66 килограмм рақобат кард, вале ӯ дар даври муқаддамотӣ ноком гашт.
Дар Ҷоми Африқо дар Тунис беш аз 70 гӯштингир ( писарону духтарон) аз даҳ кишвари Африқо (Алҷазоир, Тунис), Аврупо (Беларус, Монтенегро, Руминия, Словакия, Словения, Хорватия) ва Осиё (Арабистони Саудӣ, Тоҷикистон) ширкат доштанд.
Ёдовар мешавем, ки варзишгарони тоҷик дар мусобиқаи дзюдо барои Ҷоми Аврупо байни гӯштигирони солҳои таваллудашон 1997-2002, ки рӯзҳои 15-16 апрел дар шаҳри Санкт-Петербурги Росия баргузор шуд, аз медалҳо бенасиб монданд. Ба ҳайати дастаи мунтахаби Тоҷикистон 13 гӯштингир дохил буд.
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
