«Як бор ҷастӣ малахак…» Соҳибкоре, ки ғайриқонунӣ ба Тоҷикистон шакар ворид мекард, ба даст афтод

Апрель 15, 2017 12:04

ДУШАНБЕ, 15.04.2017 /АМИТ «Ховар»/. Дар натиҷаи гузаронидани амалиёти гумрукӣ дар якҷоягӣ бо кормандони гурӯҳи кории Хадамоти гумруки назди Ҳукумати Ҷумҳурии Тоҷикистон аз анбори корхонаи яхмосбарории соҳибкори инфиродӣ У. А., воқеъ дар ҷамоати деҳоти Ҳ. Усмонови ноҳияи Бобоҷон Ғафуров, ба миқдори 133 ҳазору 350 килограмм шакари истеҳсоли Ҷумҳурии Қирғизистон ва 36 ҳазору 700 килограмм шакари истеҳсоли Ҷумҳурии Қазоқистон мусодира гардид.
Тавре аз маркази матбуоти Хадамоти гумруки назди Ҳукумати Ҷумҳурии Тоҷикистон хабар доданд, моли мазкур ба соҳибкори инфиродӣ У.А., соли таваллудаш 1968, сокини ҷамоати деҳоти Ҳ. Усмонови ноҳияи Бобоҷон Ғафуров тааллуқ дорад. Номбурда ин миқдор молро бидуни назорати гумрукӣ ғайриқонунӣ аз Ҷумҳурии Қирғизистон ба ҳудуди Ҷумҳурии Тоҷикистон ворид намудааст.
Тибқи хулосаи филиали суғдии Маркази ҷумҳуриявии ташхисҳои судӣ ва криминалистии Вазорати адлияи Ҷумҳурии Тоҷикистон, арзиши умумии шакари истеҳсоли ҷумҳуриҳои Қирғизистон ва Қазоқистон дар маҷмӯъ 1 миллиону 45 ҳазору 807 сомонию 50 дирамро ташкил медиҳад.
Аз рӯи ҳолати мазкур нисбат ба шаҳрванд У. А. бо моддаи 289 қисми 2 — и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, аз рӯи тобеияти тафтишотӣ ба Прокуратураи вилояти Суғд фиристонида шуд.

Апрель 15, 2017 12:04

Хабарҳои дигари ин бахш

Оид ба рақамикунонӣ ва зеҳни сунъӣ дар хизмати идоракунии давлатӣ конфронси ҷумҳуриявӣ доир шуд
Дар ноҳияи Ёвон сохтмони бинои иловагии муассисаи таълимӣ оғоз гардид
Ҷавонони сарбаланди шаҳри Панҷакент ба хизмати ҳарбӣ рафтанд
Имрӯз дар Тоҷикистон борони кӯтоҳмуддат меборад
Дар Ашқобод дурнамои рушди муносибатҳои Тоҷикистону Туркманистон дар соҳаи фарҳанг баррасӣ гардид
Имрӯз дар ноҳияҳои алоҳидаи Тоҷикистон борони кӯтоҳмуддат меборад
VoLTE: ба суҳбатҳои телефонӣ садои комилан тоза зам намоед!
Имрӯз дар водиҳои Тоҷикистон ҳаво то 30 дараҷа гарм мешавад
ТАҚВИМИ АМИТ «ХОВАР»: имрӯз 1 октябр, чоршанбе, 274-умин рӯзи соли 2025 аст
Озмуни ҷумҳуриявии «Ихтироъкорон ва навоварони Тоҷикистон» эълон гардид
Имрӯз дар ноҳияҳои кӯҳии Тоҷикистон ҳаво то 29 дараҷа гарм мешавад
Дар Душанбе Намоишгоҳи байналмилалии «TajBUILD-2025» баргузор мегардад