15 май — Рӯзи байналмилалии оила: дар фарҳанги мардуми тоҷик оила ниҳоди муқаддас эътироф гардидааст

Май 15, 2017 13:16

ДУШАНБЕ, 15 .05.2017 /АМИТ «Ховар»/. Рӯзи байналмилалии оила, ки соли 1993 бо қарори Ассамблеяи Генералии СММ эълон гардидааст, ҳамасола 15 май таҷлил мегардад.

Мақсад аз таҷлили ин ҷашн- ҷалби диққати давлату ҷомеа ба мушкилоти мавҷудаи оила мебошад. Оила дар фарҳанги мардуми куҳанбунёди тоҷик ҳамчун ниҳоди муқаддас эътироф гардидааст, зеро беҳтарин арзишҳои инсонӣ, аз қабили муҳаббату садоқат, самимияту вафодорӣ ва ҳамдигарфаҳмиву таҳаммулгароӣ маҳз дар оила ташаккул меёбанд.  Ҳамаи инро ба назар гирифта, Пешвои миллат муҳтарам Эмомалӣ Раҳмон   соли 2015-ро Соли оила эълон намуда буданд.

Имсол бахшида ба Рӯзи оила  Кумитаи кор бо занон ва оилаи назди Ҳукумати Ҷумҳурии Тоҷикистон  баргузории як силсила барномаҳоро ба нақша гирифтааст.

Тавре ки аз Кумитаи кор бо занон ва оила  ба мухбири АМИТ «Ховар» хабар доданд,  ба муносибати ин рӯз  Кумита   дар   Маркази тадқиқоти стратегии назди Президенти Ҷумҳурии Тоҷикистон конференсияи илмӣ-амалии ҷумҳуриявро дар мавзӯи «Кафолати ҳимояи давлатии оила ҳамчун асоси ҷамъият» баргузор намуд. Ҳадафи он дарки муҳимияти мафҳуми оила дар ташаккул ва пешрафти давлат ва ҳифзи арзишҳои фарҳанги миллӣ буд.

Бо ташаббуси Кумиати мазкур  13 майи соли равон   дар боғи «Ирам» дар байни оилаҳои ҷавон  озмуни  варзишӣ баргузор гардид. Инчунин дар ноҳияи Рӯдакӣ ду тӯйи домодиву арӯсӣ ва хатнасури 10 нафар кӯдакон аз оилаҳои  камбизоат гузаронида шуданд.

Имрӯз дар боғи «Ирам»  бо иштироки намояндагони   Кумитаи кор бо занон ва оилаи назди Ҳукумати Ҷумҳурии Тоҷикистон, Кумитаи  ҷавонон, варзиш ва сайёҳии назди Ҳукумати Ҷумҳурии Тоҷикистон  ва доктори илмҳои равоншиносӣ ва иқтисодӣ Саидмурод Давлатов бо донишҷӯён   ҷамъомад  баргузор  мегардад.

Бояд гуфт, ки дар доираи Рӯзи байналмилалии оила дар тамоми шаҳру ноҳияҳои ҷумҳурӣ  барномаҳои фарҳангӣ ва тарбиявӣ доир мегарданд.

 

Ибодат  ДАВЛАТОВА

 

 

 

Май 15, 2017 13:16

Хабарҳои дигари ин бахш

Дар Вазорати адлия бахшида ба Рӯзи Ваҳдати миллӣ ҳамоиши идона доир гардид
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши тантанавӣ доир шуд
Кормандони Корхонаи воҳиди давлатии «Роҳи оҳани Тоҷикистон» Рӯзи Ваҳдати миллиро таҷлил намуданд
Бахшида ба Рӯзи Ваҳдати миллӣ омӯзгорони фаъоли пойтахт қадрдонӣ карда шуданд
Намояндагони ВАО бо хизматрасониҳои алоқаи барқӣ дар вилояти Суғд шинос мешаванд
Имрӯз дар шаҳри Душанбе ҳаво то 37 дараҷа гарм мешавад
Дар ноҳияи Абдураҳмони Ҷомӣ ҷашни Ваҳдати миллиро бо намоиши ҳунарҳои мардумӣ ва дастовардҳои солҳои соҳибистиқлолӣ ҷашн гирифтанд
«САОДАТИ МИЛЛАТ ДАР ВАҲДАТ АСТ». Дар Китобхонаи миллӣ таҳти ин унвон ҳамоиш баргузор шуд
Иштирокчиёни экспедитсияи «Саёҳат ба қалби Авруосиё-2025» пойгоҳи кайҳонавардии Байконурро тамошо карданд
Ба ифтихори Рӯзи Ваҳдати миллӣ дар Кумитаи ҳифзи муҳити зист ҷамъомади тантанавӣ баргузор гардид
Имрӯз дар водиҳои Тоҷикистон ҳаво то 41 дараҷа гарм мешавад
Дар ҳошияи Соли фарҳанги китобхонӣ маҷмӯаи «Нома ба насли оянда» аз чоп баромад