Б.Ғафуров: имсол 70 тонна бештар пилла истеҳсол карданианд
ДУШАНБЕ, 15.05.2017. /АМИТ «Ховар»/. Кирмакпарварони ноҳияи Бобоҷон Ғафурови вилояти Суғд иқдом гирифтаанд, ки дурнамои истеҳсоли пилларо имсол 70 тонна зиёд намоянд.
Тавре аз Мақомоти иҷроияи ҳокимияти давлатии ноҳияи Бобоҷон Ғафуров хабар доданд, соли 2016 аз ҷониби хоҷагиҳою аҳолии ноҳия 92 тонна пилла истеҳсол шудааст. Имсол дар асоси барномаи «Рушду тараққиёти соҳаи пиллапарварӣ ва коркарди он» пиллапарварони ноҳия бо гирифтани 3240 қуттии кирмак азм доранд ин шумораро ба 162 тонна расонанд, ки нисбат ба соли гузашта 70 тонна зиёд мебошад.
Дар ҳудуди ноҳия 11 хоҷагии калонтарин ва 3 ҳазор нафар пиллапарварони таҷрибадор аз давраи зинда кардан дар худи хоҷагиҳо ва ҷойҳои махсуси назди манзилҳои истиқоматӣ корҳоро ба роҳ мондаанд.
Яке аз омилҳои фаровонҳосилии пилла- ин таъмин будан бо барги тут мебошад. Аз рӯи маълумоти Раёсати кишоварзии ноҳияи Бобоҷон Ғафуров, дар ҳудуди ноҳия зиёда аз 750 ҳазор бех ниҳолҳои қатори тут ва дар 75 гектар майдони тут мавҷуданд, ки барои таъминот ва парвариши кирмак басанда мебошанд.
Ба гуфтаи масъулин, айни ҳол 500 қуттии кирмак дар давраи 5-уми афзоиш қарор доранд. Ҷамъоварии маҳсули заҳмат 15-16 май оғоз ёфта, пиллапарварон азм доранд нақшаи пешбинишударо босифат иҷро намоянд.
Президенти Ҷумҳурии Тоҷикистон Эмомалӣ Раҳмон ба Кантслери федералии Ҷумҳурии Федеративии Олмон Фридрих Мерс барқияи табрикӣ ирсол намуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
Дар вилояти Хатлон иқдоми ҳизбии «Ҳеҷ кас ва ҳеҷ чиз фаромӯш нашудааст» баргузор гардид
