Дар масъалаҳои баҳисобгирии таҳия ва пешниҳоди ҳисоботи молиявӣ мушкилӣ зиёд аст
ДУШАНБЕ, 19.05.2017. /АМИТ «Ховар»/. Имрӯз дар Донишгоҳи давлатии тиҷорати Тоҷикистон конференсияи VI байналхалқии илмӣ-амалӣ дар мавзӯи «Масоили муҳими баҳисобгирии муҳосибӣ, таҳлил ва аудит» баргузор гардид.
Тавре мухбири АМИТ «Ховар» иттилоъ медиҳад, дар кори конфронси байналхалқӣ олимону коршиносон аз донишгоҳҳои гуногуни ҷумҳуриҳои Тоҷикистон, Қазоқистон, Қирғизистон ва Федератсияи Россия иштирок намуданд.
Дар конференсияи мазкур иштирокчиён «Масъалаҳои ҳолати муосири баҳисобгирии муҳосиботӣ дар Ҷумҳурии Қирғизистон», «Усулҳои ташхиси муфлисшавии корхонаҳои тиҷорати хурд», «Фаъолияти аудиторӣ дар Ҷумҳурии Қирғизистон: ҳолат ва дурнамои рушд» ва «Дороиҳои дарозмуҳлат: баъзе ҷанбаҳои молиявӣ ва баҳисобгирии андоз»-ро муҳокима намуданд.
Директори иҷроияи Институти ҷамъиятии муҳосибон ва аудиторони касбии Ҷумҳурии Тоҷикистон Абдумалик Мирзоалиев зикр намуд, ки «5 сол мешавад мо ин конференсияро баргузор менамоем ва дар он масъалаҳои муҳими баҳисобгирии муҳосибӣ, аудит, таҳлил ва дигар ҷанбаҳои асосии стандартҳои байналмилалии ҳисоботи молиявӣ дар Ҷумҳурии Тоҷикистонро муҳокима менамоем. Бояд гуфт, ки дар масъалаҳои ташкили баҳисобгирии таҳия ва пешниҳоди ҳисоботи молиявӣ дар Тоҷикистон бисёр мушкилӣ мавҷуд аст, ки ин мушкилот дар корхонаҳо бештар эҳсос мешаванд. Мо кӯшиш мекунем, ки ин масъалаҳоро дар ин ҷамъомад дида бароем ва пешниҳодҳо ва тавсияҳои худро омода созем».
Инчунин зикр гардид, ки конференсияи имсола ба Соли ҷавонон бахшида шуда, дар он бештар ҷавонон иштирок карданд.
Бояд зикр намуд, ки конференсияи мазкур ду рӯз идома хоҳад кард.
Аз байн бурдани коррупсия омили пешрафти ҳар давлат аст
ҲХДТ ба вакилии Маҷлиси намояндагон дар ҳавзаи интихоботии якмандатии Ҳамадонӣ, №35 номзад пешбарӣ намуд
Имрӯз дар баъзе ноҳияҳои Тоҷикистон туман мефарояд
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
Сӯхтори ҷангал дар Калифорния беш аз 300 гектарро фаро гирифтааст
Лондон аз рӯи танбашавии нақлиёт байни шаҳрҳои Аврупо дар ҷойи якум қарор гирифт
Дар натиҷаи заминларза дар Ситсзан дар ҷанубу ғарби Чин 126 нафар ҳалок гардид
Имрӯз дар ноҳияҳои алоҳидаи кӯҳии Тоҷикистон барф меборад
