Футболбозони навраси тоҷик дар мусобиқаи байналмилалии Сочи иштирок мекунанд
ДУШАНБЕ, 24.05.2017. /АМИТ«Ховар»/. Дастаи мунтахаби футболи наврасони Тоҷикистон (U-16) таҳти раҳбарии сармураббӣ Зайниддин Раҳимов дар мусобиқаи байналмилалии дӯстона дар шаҳри Сочи, ки дар арафаи бозиҳои Ҷоми Конфедератсия доир мегардад, иштирок мекунад.
Бино ба иттилои ФФТ, мусобиқа аз 29 май то 2 июн бо иштироки дастаҳои мунтахаби Тоҷикистон, Қазоқистон, Арманистон ва кишвари Краснодар баргузор мегардад. Бозиҳо дар ду қисми 40-дақиқагӣ дар варзишгоҳи «Юност» барпо мешаванд.
Тибқи муқаррароти мусобиқа, бозиҳо дар як давр доир гардида, аз рӯи натиҷаҳои он ду дастаи беҳтарин дар бозии финалӣ ва ду дастаи боқимонда барои ишғоли зинаи сеюм бо ҳам қувва месанҷанд. Воҳурии аввалини худро дастаи наврасони Тоҷикистон 29 май бо дастаи Арманистон баргузор мекунад.
Қобили зикр аст, ки ин мусобиқа барои дастаи мунтахаби наврасони Тоҷикистон оид ба футбол марҳилаи омодагӣ ба даври интихобии Чемпионати Осиё-2018 мебошад, ки аз 16 то 24 сентябр дар шаҳри Душанбе баргузор мешавад. Дар ин даври интихобӣ ҳарифони дастаи мунтахаби Тоҷикистон дастаҳои мунтахаби Уммон, Сурия, Туркманистон ва Малдив мебошанд.
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
