Имрӯз дар баъзе минтақаҳои Тоҷикистон боридани борон дар назар аст
![](https://khovar.tj/wp-content/uploads/2017/04/havo-boron.jpg)
ДУШАНБЕ, 17.05.2017 /АМИТ «Ховар»/. Дар ҷумҳурӣ имрӯз, 17 май ҳавои тағйирёбанда шуда, дар баъзе минтақаҳо боридани борон ва дар баъзе минтақаҳо ҳавои бебориш пешгӯӣ гардидааст.
Тавре ба мухбири АМИТ «Ховар» аз Агентии обуҳавошиносии Тоҷикистон иттилоъ доданд, имрӯз дар Вилояти Мухтори Кӯҳистони Бадахшон ҳаво қисман абрнок шуда, дар баъзе ҷойҳо борони кӯтоҳмуддат меборад. Дар ғарби вилоят ҳаво шабона 7-12 ва рӯзона 20-25 дараҷа гарм мешавад. Дар шарқи ин вилоят шабона аз 3 дараҷа хунук то 2 дараҷа гарм шуда, рӯзона 10-15 дараҷа гармӣ пешгӯӣ гардидааст.
Дар вилояти Хатлон ҳавои тағйирёбанда ва раъду барқ мешавад. Ҳаво шабона 16-21, рӯзона 31-36 дараҷа гарм хоҳад шуд.
Дар вилояти Суғд ҳавои тағйирёбандаи бебориш шуда, дар ноҳияҳои кӯҳӣ дар баъзе маврид боридани борон ва раъду барқ пешбинӣ мешавад. Дар водиҳо гармии ҳаво шабона 16-21 ва рӯзона 30-35 дараҷаро ташкил медиҳад.
Дар ноҳияҳои тобеи марказ ҳаво қисман абрнок шуда, дар баъзе ноҳияҳо борони кӯтоҳмуддат ва раъду барқ дар назар аст. Дар водиҳо шабона 10-15 ва рӯзона 29-34 дараҷа гармӣ пешгӯӣ шудааст.
Дар шаҳри Душанбе низ ҳавои тағйирёбандаи бебориш шуда, гармии ҳаво шабона 13-15 ва рӯзона 32-34 дараҷаро ташкил медиҳад.