Иштироки Тоҷикистон дар Анҷумани ҷаҳонии неруи барқи обӣ

ДУШАНБЕ, 13.05.2017./АМИТ «Ховар»/.  9-11 майи соли 2017 дар пойтахти Эфиопия- Аддис-Абеба Анҷумани шашуми ҷаҳонии неруи барқи обӣ баргузор гардид. Дар он Тоҷикистонро сафири кишвари мо дар Миср Хусрав Нозирӣ намояндагӣ намуд.

Тавре аз Сафорати Ҷумҳурии Тоҷикистон дар Миср хабар доданд, дар ҳамоиши сатҳи баланд раванди рушду тавсеаи соҳаи неруи барқи обӣ дар даҳсолаи оянда, ки ҳадаф аз он таъмини низоми қобили эътимоди обу барқ барои ҳама мебошад, баррасӣ шуд.

Дар Анҷумани ҷаҳонӣ таъкид гардид, ки неруи барқи обӣ дар расидан ба Ҳадафҳои рушди пойдори СММ ва ҳадафҳои дигари байналмилалӣ бо таваҷҷуҳ ба тағйироти иқлим саҳми бузург гузошт.