«Масъалаҳои мубрами лаҳҷашиносӣ ва номшиносии тоҷик»-конфронси ҷумҳуриявӣ дар Донишкадаи давлатии забонҳои Тоҷикистон
ДУШАНБЕ, 22.05.2017. /АМИТ «Ховар»/. Ба муносибати Рӯзи ҷавонон ва 20-солагии Рӯзи Ваҳдати миллӣ 20 май дар Донишкадаи давлатии забонҳои Тоҷикистон ба номи Сотим Улуғзода дар мавзӯи «Масъалаҳои мубрами лаҳҷашиносӣ ва номшиносии тоҷик: дастовард ва дурнамо» конфронси ҷумҳуриявии илмию амалӣ баргузор шуд.
Дар ин бора аз Донишкадаи давлатии забонҳои Тоҷикистон хабар доданд. Ректори донишкада Маҳмадулло Раҷабзода зикр намуд, ки «дар раванди таҳқиқи мавзӯъҳои забоншиносии муосир ва хосатан, лаҳҷашиносӣ ба таври васеъ, мақсаднок ва мунтазам таблиғу ташвиқ намудани ғояи Ваҳдати миллӣ амри заруриву ҳаётӣ мебошад. Зеро комёбиҳое, ки имрӯз олимону мутахассисони тоҷик дар самти забоншиносӣ, аз ҷумла лаҳҷашиносӣ ва номшиносӣ ба даст овардаанд, маҳз дар заминаи пайомадҳо ва фазои созгоре, ки бо шарофати ҳамин санаи муҳими таърихӣ фароҳам омадаанд, муяссар гардидаанд.
Дар конфронс дар мавзӯъҳои «Масъалаҳои мубрами лаҳҷашиносӣ ва номшиносии тоҷик: дастовард ва дурнамо», «Номшиносӣ», «Лексикаи маросимии лаҳҷаи Панҷакент», «Топонимияи дараи Камароби ноҳия Рашт», «Таълими забони тоҷикӣ дар муҳити забонҳои бе хат (дар мисоли забони шуғнонӣ) аз ҷониби забоншиносону лаҳҷашиносон маърӯзаҳо шунида шуданд.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
