Музаффар Ҳусейнзода ва Петр Ивашкевич дурнамои рушди муносибатҳоро баррасӣ карданд
![](https://khovar.tj/wp-content/uploads/2017/05/S7A6170.jpg)
ДУШАНБЕ, 16.05.2017. /АМИТ «Ховар»/. Имрӯз, 16 май муовини Вазири корҳои хориҷии Ҷумҳурии Тоҷикистон Музаффар Ҳусейнзода Сафири Фавқулода ва Мухтори Ҷумҳурии Полша дар Ҷумҳурии Тоҷикистон, бо қароргоҳ дар шаҳри Тошканд Петр Ивашкевичро ба ҳузур пазируфт. Дар ин бора ба АМИТ «Ховар» аз Вазорати корҳои хориҷӣ хабар доданд.
Зимни мулоқот ҳолати кунунӣ ва дурнамои рушди муносибатҳои Тоҷикистон ва Полша, аз ҷумла ҳамкории ду кишвар дар чаҳорчӯби созмонҳои байналмилалӣ ва минтақавӣ мавриди баррасӣ қарор гирифтанд.
Ҷонибҳо ҷиҳати тавсеаи ҳамкорӣ дар соҳаҳои барои ҳарду ҷониб судманд табодули назар карданд.