Нақши ҷавонон дар татбиқи Қонуни танзим: маблағҳои сарфашуда бояд барои рушди сармояи инсонии навҷавонону кӯдакон равона гарданд

Май 31, 2017 17:03

ДУШАНБЕ, 31.05.2017. /АМИТ «Ховар»/. Имрӯз, 31 май роҳбарияти Маркази исломшиносӣ дар назди Президенти Ҷумҳурии Тоҷикистон бо иштироки ҳайати кормандон дар мавзӯи «Нақши ҷавонон дар татбиқи Қонуни танзим» семинари илмӣ-назариявӣ баргузор намуд.

Тавре аз Маркази исломшиносӣ хабар доданд, ҳамоиш ба 10-солагии қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳои миллӣ дар Ҷумҳурии Тоҷикистон» бахшида шуда буд. Дар иртибот ба ҷараёни татбиқи талаботи ин Қонуни миллӣ, дастовардҳо ва мушкилоти ҳанӯз ҷойдошта гузориши илмии директори Маркази исломшиносӣ Файзулло Баротзода зери унвони «Перомуни бозандешӣ дар танзими ҷашну маросимҳо» шунида шуд. Мавсуф зикр намуд, ки «яке аз падидаҳои хотирмон дар шароити истиқлолияти давлатӣ таҳия ва қабули ҳамин Қонуни сарнавиштсоз буд. Дар шароити ҷумҳурии мо бартарият, қабул ва мавриди амал қарор гирифтани ин Қонун дар он ифода гардид, ки ин масъала бо ҷалби доираи васеи мутахассисон, ҳамаи қишру табақаҳои ҷомеа ва одамони касбу корҳои гуногун аз тариқи воситаҳои ахбори омма ҳамаҷониба мавриди баррасӣ, радду бадал ва мубоҳисаву натиҷагирӣ қарор дошт. Омӯзиши масъала дар тамоми қаламрави ҷумҳурӣ бисёр бозёфту пешниҳодҳои самимӣ ва андешаҳои аз нигоҳи манфиатҳои иқтисодии мардум созандаро ошкор кард, ки онҳо дар маҷмӯъ барои таҳияи як санади мукаммали меъёрию ҳуқуқӣ заминаҳои мусоид фароҳам оварданд».

Бо овардани рақамҳои оморӣ таъкид гардид, ки баргузории ҷашнҳои арӯсӣ ва хатнасури кӯдак ҳоло тамоюли маъмул шудан дар муҳити чорабинии оилавиро пайдо карда истодааст. Бояд ҳамин тавр ҳам бошад ва зарур аст, ки ин раванди мусбат ҳамаҷониба тарғиб карда шавад ва маблағи аз ин ҳисоб сарфашуда барои рушди сармояи инсонии навҷавонону кӯдакон равона гардад.

Ба ақидаи коршиносони Марказ, воқеият ва марҳалаи сипаришуда собит намуд, ки дар роҳи ҳалли масъалаи танзими ҷашну маросимҳо омилҳои иқтисодӣ, иҷтимоӣ, зеҳнӣ ва равонии шахшудае вуҷуд доранд, ки бартараф намудани онҳо осон нест ва аз ниҳодҳои дахлдор зарурати ба роҳ мондани корҳои фаҳмондадиҳӣ ва тарғиботиро тақозо менамояд.

Матни комили гузориши зикршуда дар сомонаи Маркази исломшиносӣ (www.mit.tj) гузошта мешавад.

 

 

Май 31, 2017 17:03

Хабарҳои дигари ин бахш

Дар Тоҷикистон дар беш аз 27 ҳазор гектар ҷуворимакка барои дон кишт гардидааст
Имрӯз ҳаво дар водиҳои Тоҷикистон то 40 дараҷа гарм мешавад
Дар Тоҷикистон Фестивали хӯрокҳои милллии Покистон баргузор мегардад
Имрӯз ҳаво дар шаҳри Душанбе то 35 дараҷа гарм мешавад
Дар Душанбе ба муносибати Истиқлолияти Амрико чорабинӣ баргузор шуд
Заминҳои назди бинои муассисаву идораҳои шаҳри Норак самаранок истифода мешаванд
Дар «Чиларча»-и Ҷамоати деҳоти Саразм 300 нафар хонандагон ба истироҳат фаро гирифта мешаванд
Истироҳат дар Суғд – бо алоқаи боэътимод
Имрӯз дар водиҳои Тоҷикистон ҳаво то 38 дараҷа гарм мешавад
Бо мақсади пешгирии ҳодисаҳои ғарқшавӣ таҳти унвони «Наҷоти сайёр» дар Душанбе ва ноҳияҳои тобеи ҷумҳурӣ корҳои фаҳмондадиҳӣ оғоз шуд
ҲАВАСМАНДИИ ОМӮЗГОРОН. Давоми 18 сол 3394 нафар омӯзгорони ҷавон дар вилояти Хатлон соҳиби замин гардиданд
Хоруғ мизбони конфронси ҷумҳуриявӣ оид ба ташаббусҳои байналмилалии Пешвои миллат дар самти сулҳу ваҳдат шуд